《關於我哋》

從2019年開始，香港發生咗好多令大家難過，甚至心靈受創嘅事。好多人嘅人生都因而經歷重大轉變，甚至有手足決定遠赴海外。我哋係一班香港土生土長，英國訓練同執業嘅心理學家同心理諮詢師（HCPC/BACP註冊）。我哋希望利用自己嘅專業知識，喺呢個艱難嘅時期為在於英國有需要嘅香港人提供心理諮詢/支援以及英國本地精神健康服務嘅介紹同轉介。

《何謂心理諮詢？》

您同心理學家或心理諮詢師第一次嘅會面或商談，稱為初步心理諮詢 (initial consultation) 。諮詢內容會包括了解目前困擾您嘅問題，評估整體心理狀況，日常生活同環境適應以及循例嘅風險評估，繼而商討如何迎合您於情緒支援/精神健康上嘅需要同期望。心理學家會視乎您嘅情況提供建議/治療，亦可能會轉介到NHS或其他慈善機構嘅構精神健康服務。由於目前hearth talk嘅成員全屬義工，每星期只能提供有限嘅義務心理諮詢名額，並會優先為冇資格免費使用NHS或其他慈善機構嘅服務嘅手足提供協助。我們會盡快回覆填寫呢份表格嘅手足同您電郵嚟嘅疑問，安排諮詢時間，懇請大家諒解。

《資料處理》

呢份表格採取匿名制，除咗您提供嘅聯絡方式，唔會收集任何個人資料（姓名/地址等），我哋收到嘅回覆亦會絕對保密。

《參與或退出》

我哋尊重您參與嘅自由，您可以隨時停止填寫呢份表格。

《聯絡我哋》

如果您有任何疑問或者需要支援嘅話，歡迎寄電郵俾ukhearthtalk@gmail.com。