Møteprogram 2021
I året 2021 vil vi ta sikte på å skipe til seks temamøte. Førebels er fem møte bestemt.
Dersom det melder seg nok interesserte, vil det også bli skipa til kurs og ekskursjonar.
Møta i Sykkylven Seniorakademi er opne for alle. Medlemene går gratis, men andre betaler inngangspengar, førebels sett til kr. 100 per møte.
Torsdag 4. mars 2021 kl.12.00 på Sykkylven kulturhus
Tor-Johan Ekeland: Oppvekst i individualismens tid – utfordringar og dilemma
Foredraget tek til kl. 13.00
Ekeland er professor i sosialpsykologi ved Høgskulen i Volda og ved Høgskolen i Molde. Han har skrive fleire bøker og artiklar om vitskapsteoretiske og psykologiske emne.
NB! NY DATO!
Torsdag 20. mai klokka 12.00 på Sykkylven kulturhus
Jan Inge Sørbø: Er ytringsfridomen truga?
Foredraget tek til kl. 13.00
NB! Temamøtet er utsett frå 8. april 2020 grunna kommunale restriksjonar i samband med Covid-19.
Sørbø er professor ved Høgskulen i Volda. Han har skrive fleire skjønnlitterære bøker og fagbøker, mellom anna ‘Nynorsk litteraturhistorie’. Han er også medlem av ytringsfridomskommisjonen som vart oppnemnt av regjeringa i fjor
.
Torsdag 3. juni 2021 kl. 12.00 på Sykkylven kulturhus
Alf Ottar Folkestad: Sjøfuglane si rolle i det marine økosystemet
Foredraget tek til kl. 13.00
NB! Temamøtet er utsett frå 4. februar grunna Covid-19.
Alf Ottar Folkestad har studert zoologi, botanikk og kjemi ved NTNU. Han har vore miljøvernkonsulent i Ulstein kommune, og har også hatt sentrale verv i Norsk ornitologisk foreining.
Torsdag 16. september 2021 kl. 12.00 på Sykkylven kulturhus.
Margrethe Kvarenes: Framtida for det norske språket
Foredraget tek til kl. 13.00
Foredragshaldaren vert Margrethe Kvarenes som er seksjonssjef i Språkrådet, der ho leiar arbeidet med språkbruk i offentleg sektor, språk i skulen og dei nasjonale minoritetsspråka kvensk, romani og romanes. Ho er fransk-filolog i botnen, og har òg ein mastergrad i organisasjonspsykologi, endringsleiing og digital kommunikasjon. Ho arbeidde i Utanriksdepartementet og i EFTA-sekretariatet i Brussel før ho kom til Språkrådet i 2007.
Våren 2021 fekk Noreg si første heilskaplege språklov. Føremålet med lova er å styrkja norsk språk og verna om språkmangfaldet i landet. Men korleis står det eigentleg til med norsk språk? Er språket vårt truga, og kva er i så fall dei største trugsmåla? I foredraget vil Kvarenes kome nærare inn på desse spørsmåla og vise korleis Språkrådet arbeider for å sikra at norsk skal vera eit godt bruksspråk i åra som ligg framfor oss.
Møtet vert avvikla i samsvar med gjeldande smittevernreglar.
Alle er velkomne!
.
Torsdag 21. oktober kl. 12.00 på Sykkylven kulturhus
Aasta Marie Sveino Strand: Sjøhestar i hjernen. Korleis lærer vi, og korleis gløymer vi?
Foredraget tek til kl. 13.00
Sveino Strand er utdanna lege og tilsett som universitetslektor på sjukepleiarutdanninga ved NTNU, Ålesund. Ho har også bakgrunn frå allmennlege-/fastlegepraksis, helsestasjon og psykiatri.