ЗАМОРЕНКИ - панський рід

Пану Михайлу Павші від 23 листопада 1522 р. та луцькому старості кн. Ф.М. Чорторийському від 8 січня 1523 р. У першому випадку було розпорядження надати Матвію Заморенку путного чоловіка Мартина Зеньковича з його землею у Чорнобильському повіті LM 12. – Р. 171.

Краков, 1527 08 08 Тому ж Заморенку теж о именя, материзну жоны его, Варевцы, а о Берновъ, а о Кокотов и др., о дел с тою ж Павшиною и сыном ее

Жикгимонт.
Листъ до Криштофа Кмитича. Жаловалъ намъ дворанинъ нашъ Матфеи Заморанокъ о томъ, што еси здесе очевисто перед нами мовил з ним от сестры своее, пани Михаиловое Павшиное, и от сына ее Богуфала и о именья материзные на имя Варевцы, а о Берновъ, а о Кокотовъ, ижъ они сами держать, а Заморенъку делу дати в них не хотять, къ которымъ же именыамъ онъ такъ близкий по жоне своеи, какъ и они. Яко жъ ты покладалъ перед нами листъ судовыи пана Троцкого, старосты городенского, пана Юръевъ Миколаевича, ижъ его м(и)л(о)ст, будучи ешчо воеводою киевъекимъ, смотрелъ Михаила Павшу о тыи жъ именья материзныи и с сестрами его Семеновою Романовича Татыаною а с Костюшкомъ Митьковичомъ, и зъ жоною его Ганъною, в котором жо листе стоить, ижъ панъ староста городеньскии тую часть, которую Татыана Семеновая в тых именыах материзныхъ у своей третей части третюю часть пану Павши записала, ему присудилъ, и тыи п(е)н(е)зи накладный на тыи именя властный его сказалъ ему на тыхъ жо именыах. Какъ же мы, выслухавши того листа судового, и на том жо зоставили. Маеть Заморенокъ тых накладовъ водле рахунъку и листу сестръ твоеи заплатили полпятадесят копъ грошеи безъ семи грошей, а тыми именами с нимъ ся поделити, перъвеи тую часть на себе вылучивши, которую мужу ее Семеновая Тятыана у своеи третей части отписала. Какъ жо он здесе п(е)н(е)зи тобе отложилъ вжо. А про то, абы еси, вземъши собе на то делчих, [364у] тыи именья, Варевцы и Берновъ, и Кокотовъ, вылучившы тую третюю часть с третее части Татыанины, которую она брату своему Павши отписала, з нимъ в ровным дел поделить водлугъ устного нашого росказанья такъ, какъ бы имъ на обе стороне в томъ кривды и шкоды не было. А рокъ вамъ тому делу покладаемъ о сем приидучомъ святе, о Покрове Пречистое, инъдикта перъвог(о). Для чого жъ он взят в нас зъ своее руки дельчими наместника чорнобылского, пана Іацка Ельца, а дворанъ наших, Ивашка Немерича а Грицка Тавулуевича. И ты бы перед тыми дельчими в тыхъ именыах ровныи дел с нимъ на тот рокъ учинилъ. Пак ли жъ бы еси на тот рокъ в тых именьах ровного делу с нимъ вчинити не хотелъ, мы писали до его делчихъ, ажъбы они тыи именя на тотъ рокъ межи вами розделили водле того, как в листе судовомъ пана старосты городеньского стоить выписано. А до тых часовъ, поки ся тотъ делъ межи вами станет, приказуемъ тобе, ажъбы еси в тых именыахъ ни которыхъ шкод не делалъ и данеи не брал. В Кракове, под 1527 августа) 8 ден, инъдикъ(тъ) 15. Горностаи.(ЛМ-14)