Подібне доручення зустрічаємо в «оповіданні» князя Кантиме- ра Пятигорського від третього серпня 1568 р., у якому він «умоцовал» Захар’яша Мурзу отримати по квитах з королівської казни кошти, заслу- жені ним і його братом Давидом. Із змісту квитів дізнаємося, що пев- ну суму коштів Захар’яш Мурза мав забрати собі (як повернення боргу, наданого Пятигорським), а решту доставити Кантимеру і Давиду Пяти- горським. Доручення у тексті оформлене наступним чином: «…подавал вси тые квиты пану Захаряшу, поручивши ему (підкреслено мною – А. Б.) вси тые п(е)н(я)зи заслужоные, на квитехъ описаные, што на ихъ почъты приходить в скарбе его м(и)л(о)сти г(о)с(по)д(а)рьскомъ, справивши с тое сумы собе яко оную сто осмъдесятъ копъ грошей, которую кн(я) зь Канътимер в него позычилъ, такъ и тые заслужоные п(е)н(я)зи, што з ними петигорцы посполъ заслужилъ, то естъ всего сумою семъсотъ копъ грошей литовскихъ взяти, а остатокъ тое сумы п(е)н(я)зей, которая отъ тыхъ семисотъ копъ грошей, збывати будеть кн(я)зю Давыду Петигорско- му, брату его, и ему прислати»9. 9 РГАДА. – Ф. 389. – Оп. 1. – Ед. хр. 263. – Л. 96–96 об. №3. 1568.08.03. – Книшин. Оповедане кн(я)зя Кантимера Кансаоковича Петигорского и дане моцы Захаряшу Винцентовичу Мурзе, заслуженого его, и брата его кн(я)зя Давыда в скарбе одыскивати за долгъ у него позычоный. [Лист 96] Лета Бож(его) нарож(еня) 1568, м(е)с(я)ца августа 3 дня. Пришедши перед его м(и)л(о)сть пана, кн(я)зь Канътимер Канса- окович Петигорский оповедал и очевисте вызнал, ижъ, будучы ему на службе его кролевъское м(и)л(о)сти, позычил онъ ку потребе своей у то- варища своего пана Захаряша Виценътовича Мурзы сто и осмъдесятъ копъ грошей литовскихъ, на што ж и церокграфъ свой ему далъ. А осо- бливе вызналъ, ижъ будучы ему с кн(я)земъ Давыдомъ Петигорскимъ, братомъ своимъ, и з нимъ посполу, такъ же и з ыными товариши свои- ми на служъбе его кролевское м(и)л(о)сти с почъты ихъ заслужоного в скарбе г(о)с(по)д(а)рьскомъ, пришло то на квитех, зъ скарбу имъ даныхъ, ширей и достаточъней описано естъ. А иж кн(я)зь Давыдъ, братъ его, с панъства его кролевское м(и)л(о)сти до Петигор отъехал, такъ же и онъ маеть тогды, иж на тыхъ квитехъ, яко кн(я)зь Кантимер созналъ з обра- хованья, межи ними приходить заслужоного пану Захаряшу пятьсотъ и двадцать копъ грошей. С тыхъ причынъ за ведомостью его м(и)л(о)сти пана Григоря Алексанъдровича Ходкевича, пана виленьского, гетъмана навышшого Великого кн(я)зьства Литовского, старосты городенского и могилевского, и тежъ его м(и)л(о)сть пана подавал вси тые квиты пану Захаряшу, по- ручивши ему вси тые п(е)н(я)зи заслужоные, на квитехъ описаные, што на ихъ почъты приходить в скарбе его м(и)л(о)сти г(о)с(по)д(а)рьскомъ, справивши с тое сумы собе яко оную сто осмъдесятъ копъ грошей, ко- торую кн(я)зь Канътимер в него позычилъ, такъ и тые заслужоные п(е) н(я)зи, што з ними петигорцы посполъ заслужилъ, то естъ всего сумою семъсотъ копъ грошей литовскихъ взяти, а остатокъ тое сумы п(е)н(я)зей, которая отъ тыхъ семисотъ копъ грошей, збывати [Лист 96 об.] будеть кн(я)зю Давыду Петигорскому, брату его, и ему прислати. Которое жъ оповеданье до книгъ пана его м(и)л(о)сти записано. Писанъ у Кнышине. Оригінал: Российский государственный архив древних актов. – Ф. 389. – Оп. 1. – Ед. хр. 263. – Л. 95 об.–96 об |
РОДОВОДИ ШЛЯХТИ > П >