– у 1571–1573 рр. берездівський староста Криштофа Ґраєвського (свого рідного брата, що був орендарем Берездівської волості).

№1

Лет(а) Бож(его) нарож(еня) 1567, м(е)с(я)ца м(а)рца 25 дня.

Постановившыся на враде г(о)с(по)д(а)рьскомъ канъцлерейскомъ об-

личне, дворанинъ г(о)с(по)д(а)рьский Крыштофъ Кграевъский оповедалъ 

и вызналъ, ижъ будучы онъ обовезанъ послугою его м(и)л(о)сти п(а)на Ми-

колая Радивила, воеводы виленьского, маршалъка земског(о), канъцлера 

Великого князства Литовъского, старосты берестейского и шовленьского 

пана своего уберати и не могучы ехати для справованья долговъ, которые 

на записех своих ему дворанинъ его кролевъское м(и)л(о)сти Иванъ 

Яцковичъ Борздобогатый Красеньский з братаничами своими Иваномъ, 

Степаномъ, Обяшомъ и Семеномъ Олехновичы Борздобогатыми ж зо-

стали винъни, злетилъ, дей, то былъ перед врадомъ его кролевское м(и)

л(о)сти берестейскимъ брату своему Станиславу Кграевскому, абы за тые 

долъги отъ него узялъ досить вчыненье.

А то, дей, уделалъ никоторого досит вчыненья, за то в него не 

оземъшы, одно уфаючы ему, брату своему, ижъ ни на его вере и м(и)л(о)

сти ку собе не омылить, и пры томъ, дей, мамърамы на листы зашытые 

и отвороные с подписомъ руки своее и за печатю своею ему подавалъ 

для писанья квитовъ и инъшых листовъ ку справованью у Борздобогатых

того долгу потребныхъ. За которымъ, дей, знайденьемъ и злеценьемъ 

его брат его Станислав Кграевъский того долгу, на них [Лист 154 об.] 

не правившы, листы и записы з вызнаньемъ на вряде виленьскомъ на 

свое имя от Борздобогатых на тот долгъ побралъ, то пакъ тепер онъ, 

объваровываючы, абы о тую суму от брата его Станислава Кграевъског(о) 

Иван Борздобогатый и сыновцы его, и потомки их записами на ймя Ивана 

Борздобогатого учынеными, трудности и шкоды не прыймовали и о то 

правомъ не были утиснены, поднялъся на враде Ивана Борздобогатог(о) и 

сыновъцовъ его в томъ заступити и боронити нигде инде, только перед су-дом г(о)с(по)д(а)рьскимъ на позовъ очевисте ему даный, и за зложеньемъ 

року слушного, яко бы могъ и перед его кролевскою м(и)л(о)стью з 

братомъ своим Станиславу Кграевъскому о тое мовити, а Борздобогатый

в томъ успокоити.

А вед же где бы ся Борздобогатый самъ могъ зъ Станиславомъ 

Кграевъскимъ о тое росправити, тогды вжо ему заступованья того не 

будеть потреба, а тое постановенье около того заступованья ничого не 

мает шкодити первшому обовязку и вызнанью Борздобогатого, кото-

рое он оплаченье сумы двадцати и чотырох тисечей золотых личбы поль-

ское с нимъ вчынилъ. Пред ся он самъ и потомъки его мають Крыштофу 

Кграевъскому водлугъ обовязку своего на раты описаные, тую суму 

двадцать и чотыры тисечы золотыхъ польское личъбы выплачывати, не 

беручы собе на помочъ никоторыхъ прычынъ и оборонъ. Али иж за про-

збою Крыштофа Кграевъского тое постановенье и очевистое сознанье его 

у книги канцлереи его кролевское м(и)л(о)сти записано, с которых Ивану 

Борздобогатому выпис сес дан ест.

Писан у Варшаве.

Оригінал: Российский государственный архив древних актов. – 

Ф. 389. – Оп. 1. – Ед. хр. 266. – Л. 154–154 об