နန်းတော်ရှေ့ဆရာတင်

နန်းတော်ရှေ့ဆရာတင်
မွေးသက္ကရာဇ် ၁၈၉၄-ခုနှစ်
အမည်ရင်း မောင်မောင်တင်
မိဘအမည် ဦးမှန် + ဒေါ်မမ
နိုင်ငံသား မြန်မာ
မွေးရာဇာတိ မန္တလေးမြို့
အလုပ်အကိုင်
ထင်ရှားကျော်ကြားမှု နိုင်ငံကျော် ဂီတစာဆို
ကိုးကွယ်သည့် ဘာသာ ဗုဒ္ဓဘာသာ

နန်းတော်ရှေ့ဆရာတင်သည် တစ်ချိန်က ထင်ရှားကျော်ကြားသော နိုင်ငံကျော် ဂီတစာဆို တစ်ဦးဖြစ်သည်။

နန်းတော်ရှေ့ဆရာတင် (၁၈၉၄-၁၉၄၉) ကိုယ်ရေးအကျဉ်း

၁၈၉၄-ခုနှစ်တွင် နန်းတော်ရှေ့ရပ်နေ မြို့စားရေးမင်း ဦးမှန်နှင့် ဒေါ်မမတို့က အရှေ့ပြင် စကျင်ဝ အရပ်၌ မွေးဖွားခဲ့သည်။ (မြန်မာ့ စွယ်စုံကျမ်း အတွဲ (၅)၊ နှာ ၇၄ တွင် မသ ၁၂၅၆၊ ကြည့်မြင်တိုင် ထီးတန်းရပ်တွင် မွေးဖွားဟု ဖော်ပြပါရှိသည်။) ငယ်အမည်မှာ မောင်မောင်တင် ဖြစ်သည်။

၆ နှစ်သား အရွယ်တွင် တောင်ဒွာလောင်းရပ်ရှိ ဦးစံအေး နေအိမ် မူလတန်းကျောင်းတွင် ၄ တန်း အထိ ပညာသင်ကြားခဲ့သည်။ ထို့နောက် ဝက်စလီယံ ယောက်ျားလေးကျောင်းသို့ ပြောင်းရွှေ့ပြီး ၇ တန်းအထိ ပညာသင်ကြားခဲ့သည်။

ဂီတတွင် အထူးစိတ်ဝင်စားခဲ့ပြီး၊ အသက် ၂၂ နှစ် အရွယ်တွင် 'မယ်အေးလေးက ပို့တဲ့မေတ္တာ' သီချင်းအား ပထမဆုံး ရေးသား၍ ယုဇန အေးစိန်အငြိမ့်မှ မအေးစိန်အား ပူဆာ၍ ဆိုခိုင်းခဲ့သည်။ နန်းတော်ရှေ့ ချစ်တီးဘုရားကျောင်း အနီး နေထိုင်သူဖြစ်၍ နန်းတော်ရှေ့ ဆရာတင်ဟု မအေးစိန်က အမည်ပေးခဲ့သည်။ ထိုမှ ယုဇနအငြိမ့်၌ ပတ္တလား ဆရာအဖြစ် ခြေစုံပစ် ဝင်ခဲ့သည်။

၁၉၄၀ ခန့်တွင် ရန်ကုန်သို့ ပြောင်းရွှေ့ နေထိုင်ခဲ့ပြီး၊ ၁၉၄၇ တွင် မန္တလေးသို့ ပြန်လည် အခြေချ နေထိုင်ခဲ့သည်။

ဆရာတင်မှာ ဒေါ်သင်၊ ဒေါ်တင် (မင်းသမီး ပေါ်လင်တင်)၊ ဒေါ်သိန်းမြနှင့် တံခွန်တိုင်သူ ဒေါ်မြသောင်းခင် ဟူ၍ ဇနီး ၄ ဦး ရှိခဲ့ပြီး၊ ဇာတ်မင်းသား ရွှေနန်းတင်မှာ ဆရာတင်နှင့် ဒေါ်တင် (မင်းသမီး ပေါ်လင်တင်) တို့က ဖွားမြင်သည့် သားဖြစ်သည်။

နန်းတော်ရှေ့ ဆရာတင်သည် သီချင်းပေါင်း ၃၀၀ ခန့် ရေးသားခဲ့ပြီး၊ 'အောင်ပင်လယ်'၊ 'ရွှေပြေည်စိုး'၊ 'မြနန္ဒါ'၊ 'လက်ရေတပြင်တည်း'၊ 'ရွှေမင်းဂံ'၊ 'မြန်မာ့ဂုဏ်ရည်'၊ 'ရွှေမိုးညို'၊ 'ရွှေဘိုသနပ်ခါး'၊ 'ဆင်ကြီးဂဠုန်ချီ'၊ 'ကျွဲမကြည်အောင်' စသည့် သီချင်းများမှာ အထူးထင်ရှား ကျော်ကြားခဲ့သည်။ ဆရာတင်သည် 'တောင်သမန်' 'သူဌေးဝါဒ' စသည့် သီချင်းများကိုလည်း ကိုယ်တိုင် သီဆို ဓာတ်ပြားသွင်းခဲ့သည်။

၁၉၄၉ ခု၊ မတ်လ ၁၂ ရက် မန္တလေးမြို့ကို ကရင်များ အသိမ်းတွင် နန်းရှေ့ ခင်မကန်ကျောင်းတိုက် ဆရာတော် ဦးသုမနကျောင်းတွင် ကွယ်လွန်ခဲ့သည်။

ရေးသားခဲ့သောသီချင်းများ

ကျေးရွာဝါဒ (သီချင်း)

Comments