ချင်းတွင်းမြစ်

ချင်းတွင်းမြစ်
ချင်းတွင်းမြစ်
အရှည် ၇၅၀-မိုင် (၁၂၀၇ ကီလိုမီတာ)
ဖြတ်သန်းရာ ဒေသ ကချင်ပြည်နယ်၊ စစ်ကိုင်းတိုင်း
မြစ်လက်တက်များ ဥရုမြစ်၊ ယုမြစ်၊ မြစ်သာမြစ်
ရေဆင်းဧရိယာ
အဆုံးသတ်စီးဝင်ရာ ဧရာဝတီမြစ်

ချင်းတွင်းမြစ်သည် အိန္ဒိယ-မြန်မာနယ်စပ်အနီးရှိ ပတ်ကွိုင်တောင်တန်းနှင့် ကူးမွန်တောင်တန်းများမှ စတင်မြစ်ဖျားခံ၍ စီးဆင်းလာသည်။ ချင်းတွင်းမြစ်ကို အိန္ဒိယရှိ မဏိပူရပြည်နယ်တွင် နိုင်းထိမြစ် ဟုခေါ်ကြသည်။ ချင်းတွင်းမြစ်သည် ဧရာဝတီမြစ်အတွင်း စီးဝင်သည့် အကြီးဆုံးရေဝေမြစ် ဖြစ်ပြီး၊ ၁,၂၀၇ ကီလိုမီတာ ရှည်လျားပါသည်။ ချင်းတွင်းမြစ်သည် ကချင်ပြည်နယ်ရှိ ကျယ်ဝန်းသည့် ဟူးကောင်းချိုင့်ဝှမ်း လွင်ပြင်တွင် မြစ်ဖျားခံပြီး တနိုင်း၊ တဗြဲ၊ တ၀မ်၊ တရွန်မြစ်များ စုဆုံ၍ ချင်းတွင်းမြစ် ဖြစ်ပေါ်လာပါသည်။ တနိုင်းမြစ်သည် ဟူးကောင်းချိုင့်ဝှမ်းဒေသမှ တရွန် (Taron or Turong) မြစ်ဝှမ်းတွင် ထွက်လာပြီး၊ မတ်စောက်သော ရေလမ်းတွင် ကြမ်းတမ်းစွာ စီးဆင်းပါသည်။ ၎င်းနောက် ဤမြစ် ကိုပင် ချင်းတွင်းမြစ်အဖြစ် အမည်ပြောင်းလဲခေါ်ဝေါ်လာကြပြီး တောင်ဖက်သို့ စီးဆင်းပါသည်။ ဤမြစ်သည် ထံမသီ၊ ဟုမ္မလင်း၊ မော်လိုက်၊ ကလေးဝမြို့၊ ကလေးမြို့၊ မင်းကင်းမြို့နှင့် မုံရွာမြို့ များကို ဖြတ်၍ စီးဆင်းပါသည်။ ပခုက္ကူမြို့ အထက်နား၌ ဧရာဝတီမြစ်အတွင်းသို့ စီးဆင်းပေါင်းဆုံသည်။

ဥရုချောင်းသည် ချင်းတွင်းမြစ်၏ အကြီးဆုံးရေဝေမြစ်ဖြစ်ပြီး ဟုမ္မလင်းမြို့ အောက်ဖက်နားတွင် ချင်းတွင်းမြစ်သို့ စီးဝင်ပါသည်။ မြန်မာနိုင်ငံ၏ နာမည်ကျော် ကျောက်စိမ်းတွင်းများသည်လည်း ဥရုချောင်းဖျားတွင် တည်ရှိနေကြပါသည်။

ချင်းတွင်းမြစ်ဝှမ်းဒေသ အတော်များများသည် တောင်တန်းများနှင့် တောနက်ကြီးများအကြား တည်ရှိနေပါသည်။ သွားလာ ရေးခက်ခဲသောကြောင့် မြစ်၏ နေရာအတော်များများကိုလည်း မစူးစမ်း၊ မလေ့လာနိုင်သေးဘဲ ရှိနေပါသည်။ ချင်းတွင်းမြစ် သည် လူအထိအတွေ့နည်းသေးသော ထမံသီဘေးမဲ့တောနှင့် ဟူးကောင်းချိုင့်ဝှမ်း ကျားဘေးမဲ့တောများကို ဖြတ်သန်းစီး ဆင်းနေပါသည်။ ဤကျားဘေးမဲ့တောသည် ကမ္ဘာပေါ်တွင် အကြီးဆုံး ကျားဘေးမဲ့တောလည်း ဖြစ်ပါသည်။ ထို့အပြင် အခြား သားရိုင်းတိရိစ္ဆာန်များ ဖြစ်ကြသည့် ရှားပါးပျောက်ကွယ်တော့မည်ဖြစ်သော မျိုးစိတ်များ၊ ကျားများ၊ ဆင်များ၊ မြန်မာ နိုင်ငံတွင်သာ ရှိသည့် အခွံမာလိပ်မျိုးများ အတွက် ခိုလှုံနေထိုင်ရာဒေသတခုလည်း ဖြစ်ပါသည်။ 


သမိုင်းထဲက ချင်းတွင်း

သမိုင်းမှတ်တမ်းများအရ မြန်မာမင်းများသည် ချင်းတွင်းမြစ်ကို အသုံးပြုမှုနည်းပါးခဲ့သည်။ သို့သော် ညောင်ရမ်းခေတ်၏ နောက်ဆုံးကာလများတွင် မဏိပူရမှ ကသည်းများ မြန်မာနိုင်ငံကို ကျူးကျော်ဝင်ရောက်လာရာတွင် ချင်းတွင်းမြစ်ကို အသုံးချခဲ့ကြကြောင်း အထောက်အထားများအရ သိရှိရသည်။ ကသည်းတို့သည် ဘာသာရေး ယုံကြည်ချက် ဖြစ်သော ဧရာဝတီမြစ် ထိ ကျူးကျော်လာခြင်းဖြစ်သည်။ ထိုသို့ကျူးကျော်ရာတွင် အင်းဝ တစ်ဖက်ကမ်း စစ်ကိုင်း အထိပင်ရောက်ရှိခဲ့သည်ဟု ဆိုသည်။

ဒုတိယကမ္ဘာစစ် အတွင်းတွင်လည်း ဂျပန်တပ်များ အိန္ဒိယသို့ ချီတက်ရာတွင်၎င်း၊ မဟာမိတ်တပ်များ ဂျပန်တို့ကို နောက်မှလိုက်လံ တိုက်ခိုက်၍ မြန်မာနိုင်ငံတွင်းသို့ ပြန်ဝင်ရောက်ရာတွင်၎င်း၊ ချင်းတွင်းမြစ်ကို အသုံးပြုခဲ့ကြသည်။ မဟာမိတ်တပ်များပြန်လည် ထိုးစစ် ဆင်ရန်အတွက် ချင်းတွင်းမြစ်ရေကြီးချိန်ဖြစ်သည်။ မိုးကာလကို မဟာမိတ်တပ်မှူး ဖြစ်သည့် ဗိုလ်ချုပ်စတီးဝဲလ်က ရွေးချယ်ခဲ့ကြောင်း သိရှိရသည်။

မြစ်လက်တက်များ

  1. အကြီးဆုံးဖြစ်သော မြစ်လက်တက်ဖြစ်သည့် ဥရုမြစ်သည် ဟုမ္မလင်းမြို့တောင်ဘက်တွင် ချင်းတွင်းမြစ် အတွင်းပေါင်းဆုံသည်။ (ဥရုမြစ်ညာရှိ ဖားကန့်ဒေသသည် နာမည်ကျော် မြန်မာ့ကျောက်စိမ်း ထွက်ရှိရာ ပင်မဒေသလည်းဖြစ်သည်။)
  2. ယုမြစ်သည် ကဘော်ချိုင့်ဝှမ်းဒေသကို ဖြတ်သန်း၍ ချင်းတွင်းမြစ်အတွင်း စီးဝင်သည်။
  3. မြစ်သာမြစ်သည် ကလေးချိုင့်ဝှမ်း ဒေသကို ဖြတ်ကာ ကလေးဝမြို့ အနီးတွင် ချင်းတွင်းမြစ်နှင့် ပေါင်းဆုံသည်။

မြစ်ကြောင်းတစ်လျှောက် အရေးပါသည့် မြို့များ

  • ခန္တီး
  • ထမံသီ
  • ဟုမ္မလင်း
  • မော်လိုက်
  • ကလေးဝ
  • ကလေး
  • မြင်းခြံ
  • မုံရွာ

ကိုးကား

  1.  © 2009 မြန်မာနိုင်ငံ မြစ်ချောင်းများဆိုင်ရာ ကွန်ယက် (BRN)
Comments