مدرسة سوبر جلوبال للغات

 

مدرسة سوبر جلوبال للغات

 

العنوان:

التليفون: 33851033  

المصاريف:

·         

·        الباص:

·        الزي:

أراء أولياء الأمور فى المدرسه :

 

 

نانا لاند 27-10-2008

هي مش جديدة ولاحاجة دى اول دفعة دخلوا فيها كج دلوقتى في اولى اعدادي هما المشكلة الوحيدة هي المبني ليس لديهم مبني مستقل ليهم بس بالنسبة الكجيزاصبح لديهم مبنى دى اول سنة فيه فى المريوطية اما الكبار فالمدرسة مأجرة دورين فى مدرسة تانية فى المنصورية لحين انتهاء اعمال البناء في المنصورية ايضا هما بيطبقوا نظام اليوم الكامل في 3 اقسام سمي انترناشونال و انترناشونال ومنونتوسوري  هي مدرسة اسلامية وعندهم اهتمام رهيب بالرياضة جدا زى النادى يعنى الولد دلوقتي بيتعلم سباحة و رماية و كراتيه وفي ابتدائى فى ركوب الخيل و الشيش تمارين بجد على يد مدربين من اكبر النوادي الولد مبسوط لكن انا نفسي اعرف بياخد ايه طبعا الكتب هناك لكن بصراحة كل يوم بيجى يقول لى جديد الفرنسيه من كى جي لحد دلوقتى مبسوطين بس نفسى اتابع اكتر

بالنسبة للواجبات والله مش بيرجع بورقة حتى مع العلم انى لما شوفت اللى عملوه في الشهر اللى فات بجد مجهود اكتر من رائع مع عدم تدخلى علي الاطلاق المواعيد من 8 الى 4.5 بالنسبة للكجي ومن 8 الى 5 للكبار ماعادا الخميس لحد 3.5 

 

كرانكي   2008

انا عندي معلومات عن سوبر جلوبل

اولا صاحبتها اسمها مها عرام هي ست ملتزمة و محترمة جدا و منتقبة

ثانيا المدارس المباني بتاعتها لسه مجهتش بنسبة 100 % بس المفروض انها تجهز على السنة اللي جاية و حاليا هما مأجرين جزء من مدرسة اسمها جينيس

المدرسة فيها اهتمام بالدين جدا و عندهم منهج اسلامي خاص للدين اسمه النحلة و اهتمامهم عالي بالأولاد و بنفسيتهم و بالمتابعة مع البيت

هي قسمين قسم انترناشيونال و قسم سيمي انترناشيونال الأتنين نظام اليوم الكامل و عندهم 3 رياضات في المدرسة حسب المرحلة السنية بيختلفو مثلا ابن صديقه ليا في الرماية و السباحة و الكاراتية - كان في خيل بس معرفش لسه موجود والا لأ و بيبدأ من سنة كام و بنسبة 90 % الأنشطة ملهاش مصاريف مختلفة -بس حتأكدلك- و عندهم نظام اليوسي ماس و في دكتور بييجي مرتين في الأسبوع و بيتغدوا في المدرسة

الأنترناشيونال يزيد على كل دا نظام المنتسوري دا نظام تعليم حديث اعملي عليه بحث حتلاقي معلومات كافية عنه و معرفش اذا كان ليه مميزات اضافيه اكثر والا لأ لأن ابن صديقتي سيمي انترناشيونال

بيقبلوا الأولاد من سن 3 سنين و نص كي جي 1

 

ال كي جي عندهم مختلط بس الأبتدائي منفصل

الفرق في المصاريف بين السيمي انترناشيونال و الانترناشيونال حوالي 3000 جنيه مش اكتر

دا كل اللي سمعته عنها من صديقة ليه ابنها فيها

لو عندك اي اسئلة بس ابنها لسه صغير فممكن من خلالها منقدرش نحكم على المدرسة اوي بس هي بتقول انها ممتااازة

 

السيمي انترناشيونال هو النظام الناشيونال بس اللغة فيه المنهج بريطانى اسمه balloons و كمان في فرنساوي او ألماني

بالنسبة للنشاط ملوش مصروفات خاصة و في اهتمام بجد بالرياضة

و بأكد عليكي معلومة الأهتمام باللغة العربية لأنها مدرسة ليها منهج إسلامي

بالنسبة للمستوى للسنين الأكبر صحبتي حتتصل و تسأل و ترد عليا ان شاء الله النهارده او بكرة بالكتير و ان شاء الله ارد عليكي و لو محتاجة تسألي عن اي حاجة انا تحت أمرك و ربنا يوفق ابنك ان شاء الله

 

نمرة سوبر 33851033 

 

أم جورى    2009

انا سمعت ان مستواها كويس جدا تعليميا ودينيا بس فيها مشكلة

 

ان المدرسة ما أخدتش ترخيص لغاية دلوقتى علشان كدة ما لهاش اى اعلانات زى باقى المدارس

 

وعلشان هما ما خدوش رخصة واخدين الدور الاخير فى مدرسة جينيس بتاعة ولادى واى حد بيقدم فى جلوبال بيتأيد باسم مدرسة جينيس ودى اتفاقية بين المدرستين لحد ما تاخد ترخيص وتنقل المريوطية

ودى طبعا مشكلة وكمان بياخدوا 7000 جنيه للانشاءات غير مستردة يعنى تتركى عوضك على الله فيهم

ومصروفاتها عالية يعنى حوالى 7 من غير الباص واليونيفورم

 

 



إدخل تعليقك ورأيك فى المدرسه