مدرسة الملكة للغات

 

مدرسة الملكة للغات

Queen Language School

 

العنوان: ش الطالبية البحرية               فيصل

التليفون: 37831604 - 37831602 - 37831605 - 37831603

www.queeninternationalschools.com

المصاريف:

        البيبي كلاس الترم بـ 1200

        الكجي 5900 شاملة الرحلات والكتب

        البرى 6300

        الزيادة في كل سنة 5%

        الباص: 1500 لفيصل

        الزي:

أراء أولياء الأمور فى المدرسه :

  

arwa2008   03-2008

بالنسبه لمدرسه الملكه هى كويسه اوى بس مشكلتها انها فى فيصل وسط الزحمه و العمارات و انا عن نفسى لا احب المدارس التى بين الاحياء السكنيه او ذات الكثافه العاليه فى الفصول

و كمان مدرسه الملكه فيها قسم امريكان

 

om omari    06-2008

تجربتى السابقة فمدرسة الملكة للغات بالطالبية فيصل فهى راااااااائعة غير أنها بين المساكن والعام السابق كان لدى فيها ابن فى ك جى 1 وآخر فى 4 ابتدائى ,آخر فى 1اعدادى وكم أنا حزينة لنقلهم منها لأنى ساغير سكنى الى أكتوبر فهى بحق ممتازة

 

زقزوقة و زقزوق  3/2009

أنا سمعت ان الملكة كان مستواها حلو قوي و بعدين مستواها قل

 

Rikomario   3/2009

الملكة مش اترناشونال هيا اسمها كدة 

انا بنتي فيها من baby class

و هي دلوقتي في كجي 2 المصاريف 5600 الباص 1800

في الكجي مدرسين اجانب بس مستواها بيقولو وحش في البرايمري

كجي فيها كويس بس لو جة حظك مع مدرسة كويسة كل المدرسين اجانب بس جنسيات مختلفة

 

BIBOOO   2009

الملكة مستواها حلو جدا ده عن تجربة من ناس قرايب زوجي التيتشر بتاعة الكجي اجنبية وبيهتموا بالقران والمنهج ماكملين ب5900+1400الباص

 

قدمت فيها الورق وبنتى عملت انترفيو من شهر ومنجحتش وادونا ميعاد تاني وقلت انها مش حتنجح لان اسئلتهم كتيرة اوي الالوان- الاشكال - الحيوانات - الخضروات - الاسم - السن

وكله طبعا بللانجليش

بس الحمد الله هي نجحت المرة التانية وبعده انا امتحنت

ايوه المدير بتاع المدرسة قعد معايا اسمه ادوارد هو تقريبا بريطاني وقعديسالني عن مواعيد شغلي " اصلي انا بشتغل بس واخدة اجازة وضع.

ومين حينزلها الباص ومين حيستقبلها

واسئلة كتيرة تانية وكله برضة من غير ولا كلمة عربي المهم بنفس الوش الانجليزي ده قالنا "اكسبتت" وخرجت من المدرسة من غير مااتفرج علي الفصول

بس انا عرفت كل المعلومات من قرايب جوزي اللى مدخلين ولادهم هناك وربنا يوفقنا كلنا

 

الملكة مدرسة ليها سمعة جامدة جدا من زمان

1-الادارة حازمة جدا ومنضبطة

مركبين كاميرات مراقبة في الادوار ومستر ادوارد المدير هناك ميعرفش الهزار

2- التيتشر بتوع الكجي اجانب وده انا شوفتة بنفسي وفي منهم اجانب مسلمات محجبات

فابالتالي حتاخدي الاكسنت مظبوط

3- بيدرسوا منهج ماكميلين وده من اقوي المناهج في اللغة الانجليزية

4-عندهم لاب فونتكس

5-عدد الاطفال في الفصل لايتعدي25 طفل

بالنسبة للمستوي التعليمي ممتاز في الكجي والبرايمري وده انا شايفه في ناس قرايبنا ماشاء الله

لكن اللي عرفتة منهم ان عندهم مشكلة السنة دي في البرب

وحيجيبو استف جديد من السنة اللي جاية في الاعدادي

والله ياجماعة انا رايحاها علشان انا اللي فارق معايا حتة الاكسنت بتاع الانجليش لان هناك لو انتي مدية ظهرك لتيتشر مصرية بتتكلم انجليزي مش حتفرقيها عن الاجنبية

ومصاريفها بالنسبة للكجي 5900 شاملة الكتب - البوكليت- الشيتات-الرحلات

 

الابلكيشن بتملية اول حاجة عبارة عن 3 صفحات بيانات عنك وعن والد الطفل يعني المؤهل الدراسي - العمل - التليفونات-العنوان وبتدفعي 50جنية وبتحددي ميعاد الامتحان بعد كده اه علي فكرة انا كلمتهم من شوية وهما بيعملوا تور في المدرسة من الساعة2-3 كل يوم

 

بالنسبة لملاحظاتي

              1- الكلاس امبارح كان شكلة مهرجل بس قلولي ان الفصول حتتدوضب قبل العام الدراسي

              2- الكلاس مفيهوش كمبيوتر او شاشة عرض قالولي علشان هم بياخدوا الحاجات دي في حصص المالتي ميديا

              3- عدد الاطفال بيقولوا في حدود 25 ولكن انا شوفت شيت الاسماء ورا الباب لقيت 28

              4- نسيت اسأل علي اذا كان في مشرفة مع التيتشر في الكلاس

              5- نسيت اشوف الحمامات

 

زقزوقة و زقزوق

فيه واحدة قريبتي عايزة تقدم في الملكة بيبي كلاس ، و قالتلي ان مصاريفها 2200 بس على فكرة كدة تعتبر الملكة أرخص مدرسة قابلتها في البيبي كلاس مع ان مصاريفها أعلى من كده بكتير في الكي جي و البرايمري ده كده الفرق بين بيبي كلاس و كيجي1 حوالي 3500 تقريبا ، ازاي الفرق الرهيب ده 

 

حبيبه قلبه

انا فعلا روحت امبارح ومعجبنيش شكل الفصول وقالو لى نفس الكلام بس اللى قلقنى انها قالت ان نعمل الانترفيو والنتيجه مع التنسيق فى شهر 7 ودى حاجه تقلق لاقدر الله لو الولد ماتقبلش هاعمل ايه هى دى بس النقطه اللى قلقتنى وعموما نا سألت اولياء امور وشكروا فى مستواها ان فيها فعلا حزم وبعدين بالنسبه للانترفيو للطفل بيمتحنوه بالأنجليش انا ابنى عنده مشكله بيلخبط جامد بين العربى والانجلش والفرنش ومش عارفه اعمل ايه يعنى تساليه بالانجلش اسمك ايه يرد بالفرنش لكن عموما هو حافظ الاعداد والحيونات ومعظم الاشكال مش عارفه بقه اقولهم على موضوع لخبطته فى اللغه وده ممكن يكون سبب انهم مايقبلهوش والا ايه

 

nora salah    4 -2010

 انا رحت مدرسة الملكه بس ما قابلتش مدرسين لانه كان يوم سبت برضه حاسه الفصول مش عجبانى + العدد اكتر من 28 و المنهج مش ماكميلان على فكره لانى مسكت الكتب (first friends) oxford)
بالنسبه للشكل العام الحمامات كانت مقفوله بس الفصول كانت ريحتها ديتول ربنا ييسر امرنا هى فى نفس الشارع اللى انا ساكنه فيه 
 

سى سى 3-2010

انا روحت النهاردة بس معرفتش ادخل الفصول ولا اتفرج عليهالان دة بيحصل يوم السبت بس زى ما هى قالتلى وكمان سالت على المنهج هو 

oxford-first friends 
وسالتها يعنى مش ماكميلان قالتلى لالالالالالالالالا ومليت ابليكشن طبعا كله انجلش ب100 جنيه وقالتلى اكلمهم بكرة عشان الانترفيو ولسة لما اتفرج عليها بردوا هاقدر افيدكو بمعلومات احسن

ziad   مايو 2010

بصراحة مدرسة ممتاااااااااااااااازة جداااااااااااااااا انا ابنى فى p. 1   المدرسين ممتازين جدا وغير التعليم بيهتمو كمان بالتربية ماهى اسمها تربية و تعليم     انصحكو بيها عن تجربة اما مدرسة اورمان اكاديمى ارجوكو بلالالالالالالالاش لانى ابنى كان فيها  سيمى اميركان k.g.1 وهىى سيئةةةةةةةةةةةةةةةةةة جدااااااااااااااااااااااااااااااااااااااااااااااااااااااا

nora salah   مايو 2010 

بصراحه بعد لف كتير استقريت على الملكه و جينيس ,جينيس حصلى فيها موقف سخيف + ما كنتش مرتاحه نفسيا لحاجات كتير هناك وبفضل الله نتي صلاة الاستخاره اخترت الملكه لعدة اسباب الانضباط و النظام وكفاءة المدرسين -(اجانب فى كى جى) حتى الانترفيو كان يراعى نفسية الطفل رغم ان المدرسه كانت اجنبيه لكن عرفت تتعامل مع البنت كويس والبنت تجاوبت معاها فى كل الاسئله حسيت انهم ناس فاهمين شغلهم جامد ومخضرمين فى التعليم ةالجميل ان المدرسه الاجنبيه كانت محجبه والبنت حبتها جدا .غير جينيس البنت كرهت المدرسه . يارب يكون ظنى فى محله فى مدرسة الملكه و اكون وفقت فى اختيارى

مرمر   أكتوبر 2010


انا عايزة اعرف مستوى المدرسة التعليمى لو سمحتم

نورا    أكتوبر 2010


بخصوص kg1 الفصول السنه دى اتبيضت و جابوا كراسى و دبسكات جديده و فى كل كلاس كومبيوتر و بروجكتور يعنى ظبطوا الفصول بالنسبه للعدد هو 30 و المدرسات اجانب فعلا المستوى لحد دلوقتى معقول بس مدرسة العربى مش عارفه اقيمها هاستنى شويه قبل ماحكم عليها الله المستعان فى عنصر امان انك تستلم الطفل بالكارنيه ولو مش معاك تستلم الطفل من الرسيبشن بالبطاقه .وعملوا parents day نروح الكلاس ونقعد مع التيتشر و تورينا فايل البنت و لو فى اى تعليق او مشكله نتناقش فيها وكمان بعتولى شيت فيها منهج الدين نشيد و حديث و سوره كل شهر بدأوا مع الولاد تراسينج و تلوين كل الحروف و لما يخلصوا هايبتدوا الكتابه بس المنهج اتغير و بقى  welcome to America (express publishing) بدل first friends , والمصاريف 6150 بدون باص
ده تقرير اول شهر ربنا يحسن ظنى بالمدرسه

 DODY  مارس 2011


انا بنتي في كيجي 1 و شايفاها كويسة فيها اهتمام بس مش عارفة في بريمري كويسة ولا لأ
 



إدخل تعليقك ورأيك فى المدرسه