مدرسة الأهرامات للغات

 

مدرسة الأهرامات  للغات

Pyramids Language School

 

العنوان: شارع عبد المجيد بطران - على بعد 3 كم من شارع الهرم على شارع اللبينى

التليفون:

المصاريف:

        5000

        الباص:

        الزي:


أراء أولياء الأمور فى المدرسه :

 

 

Soly   05-2008

ببيراميدز من زمان اسمع انها ممتازة و مستوى الطلبة بابتدائى و اعدادى بيطلعوا شاطرين جدا

بيراميدز مقابلتهم رائعة المدرسة من جوه تحفة و المصاريف5000 الاف غير الباص المدرسة كلها متجددة بالكامل فالمبانى و الفصول تحفة و كمان مقابلتهم حلوة جدا

كثافة الفصول في kg فوق الـ 30

منهج ماكميلان - بوكليت لكل مادة ، بالاضافة للشيتات

وجبة ساخنة للطلاب بياخدوها في المطعم بتاع المدرسة

لغة ثانية من kg بس كثافة الفصول فيkg وده اللي قالقني

عندهم مسرح ، و4 معامل كمبيوتر

تحفيظ القرأن ، و في عندهم مسجد كبير و جميل

 

انا سمعت من ناظرة بيراميدز نفسها انه الامريكاان مثلا خفيف قوى و اابنها دخل هندسة و حول تجارة

بسبب كده يعنى ما بيكونش اللى متخرج منها قوى

 

Lianaakram    05-2008

انا فى المريوطية جنب مدرسة الاهرامات.. بس الاهرامات غالية .. السنة دى ب 5000 ده غير انى مشفتش حد شكر لا فى تعليمها ولا اخلاق الاولاد !!

 

Sadina   06-2008

انا كل اللي اعرفه ان قريب زوجي بناتو اتنين فيها ومن تانية ابتدائي وهم بياخدوا دروس خصوصية في ال

maths , sciences ,French

 

ام مريم   6-2008

انا عارفة ان مدرسة  Pyramids مش كويسة و كتبت كدة من قبل ... هي بتعمل بروباجندا لنفسها جامدة لكن التعليم فيها فاشل ... و دة عرفته من جارة عندنا في العمارة ...بسالها مرة خريجة مدرسة اية ؟؟؟ لقيتها بتقول   Byramids طبعا النطق مختلف ...ففهمت ان التدريس فيها تعبان جداً و دية نصيحة بقدمها للامهات لا تنخدعوا باعلانات المدارس البراقة و الكلام الفارغ دة ( عندنا حمام سباحة و خيل و و مش عارف اية ) كله ضحك على الذقون ... المهم بجد التدريس يكون كويس و مدرسين اللغات يكون نطقهم سليم ...

 

زقزوقه    4-2009

الأهرامات، أنا شايفة انها كويسة ، و المدرسة حلوة ، و الادارة تعاملها كويس جدا ، و مصاريفها مناسبة حوالي 5000 ، وفي ناس بتشكر فيها ، و في ناس بتقول عليها وحشة ، نفسي أعرف ايه الحقيقة هي وحشة ولا حلوة. هي شكلها جميل و مبانيها متجددة ، و تعاملهم كويس جدا ، و أنا أسمع ان المدير رجل محترم ، و هم بياخدو منهج ماكميلان ، و بياخدو شيتات كتير. الأهرمات فعلا الآراء مختلفة فيها، و ده اللي قالقني ، بس شكلها كويس و حلو ، و فصول الKG حلوة ، و فيه جاردن لل KG بس مش كبيرة قوي و فيها ألعاب كتير

 

أم اطفالها فى المدرسه

وحشة جدا دراسيا وبيدوا منهج تقيل قوى على الولاد فى كى جى ومش بيشرحوه كمان كويس فالحمل كله علي و الولد فى الاخر مستفدش اى حاجة

 

رأى و لى أمر

الاهرمات هى نظيفة والمستوى كويس بس المشكلة انهم مش بيهتموا بالللغة اوى يعنى الاولاد بنهم وبين بعض مش بيحاولوا يتكلموا انجليزى .......وبردو مع المدرسين برة مش بيحاولوا ..........وسالت ولية امر طالبة وانا خارجة اكددتلى الموضوع دة وقالتلى مش بيهتموا بالساينس والكمبيوتر

 

UM GOUDY   5-2009

المدرسة هرجلة جدا ماحدش عارف المدرسين من اولياء الامور تلاقي في كل ركن شوية ستات اعدين بيعملوا ايه ماعرفش مستنين ولادهم لما يخلصوا الامتحان ولا أيه الله اعلم

وبعدين لقيت طلاب كتير قوي في الملعب ما اعرفش اعدين بيعملوا خلصوا الامتحان دول ولا ايه، قلت مش مشكلة....... فجأة لقيت بنت تقريبا في الاعدادية او اكبر ماسكة زجاجة مياه فارغة وبتجري ورا ولد أدها ؟؟؟؟؟؟؟؟

دخلت الادارة بعد كدة قابلتني السكرتارية مش عايزة اقول لكوا بقي

مظهرها كان ماينفعش ابدا سكرتيرة لمدرسة طريقة اللبس والشعر والمكياج كان صعب قوي حسيت ان أنا في استقبال فندق 5 نجوم مش في مدرسة محترمة انا قلت بعد كدة بنتي هترجع من المدرسة تقولي عايزة اللبس زي أ/...... بدون ذكر اسمها , وبعدين دخلت وقعدت اتكلم معاها شوية وقلت اتفرج بقي علي المدرسة لقيت فصول الkg ضيقة جدا والكراسي علي شكل u متلاصقة جدا جنب بعضها يعني لو بنتي جت ترسم هتدخل كوعها في عين الي جنبها ، والعدد في الفصل حوالي 30 طالب

وبعدين دخلت حجرة الموسيقي لقيتها كتمة وعتمة وعملة زي الصندوق تخنق

وبعدين قالتلي المشرفة او مدرسة ماعرفش ماسالتهاش بصراحة قالتلي أن في وجبة كل يوم ...

يوم فراخ بانية وسلطة

يوم مش عارفة ايه واية

يوم كشرررررررررررررررررررررررررررررررررررررري طبعا لاتعليق

 

mairmaidus سبتمبر 2010 

 أنترناشيونال

محتاجة مساعدتكم في معرفة اراء اولياء الامور عن المدرسة علشان انا عايزة انقل ولادي فيها

lilie  سبتمبر 2010

المدرسة كانت كويسة لحد السنة دى المديرة الجديدة مش كويسة و اليونيفوم مش موجود و مقيش مجلس اباء و كل حاجة سيئة للغاية 

bonbona  يناير 2011

انا بنتي فيها في kg1 وانا مش مبسوطة منها لأن هم بيثقلوا على الولاد جدا بالهوم وورك والكلاس وورك بيبقى قليل اوي يعني الحمل كله عليا في البيت والميس بتقولها الحل على طول من غير ما تسألها ايه الصح كمان مبيهتموش بالنطق الصح للولاد البنت بتاخد السونجز في المدرسة وتيجي تقولها بطريقة غلط يعنى
مبيهتموش انها تحفظ صح والا لأ المفروض ان الولاد بيدخلوا اللاب عشان يسمعوا اللى بياخدوه عشان نطقهم يبقى مظبوط ودة كان كلامهم برده بس مشفتش كدة ومديينها cd احنا اللي نسمعها ونحفظها الكلمات اللي بتاخدها , غير ان البنت كل يوم جاية مضيعة حاجة من حاجاتها وتقولي اصل صحابي خدوها مني اوهي
مخدتش بالها من حاجتها وطبعا هي لسة سنها ميسمحش بكدة المفروض ان فية مشرفات مسئوله عن الولاد وحاجتهم وبالنسبة للاكل مبيهتموش ان الولاد تاكل فى المطعم او لأ كل مرة اروح الاقي البنت مش بتاكل وقاعدة بتلعب بسأل لية يقولوا مش راضية تاكل وعايزة تلعب مهتموش شوية بيها غير لما اديت المشرفة فلوس
عشان تاخد بالها منها ,غير مدرسة الانجليش طول اليوم بتزعق للولاد وتشخط فيهم جامد والبنت نفسيتها تعبت ومبقتش حابة تروح المدرسة خالص .ده غير مشاكل الباص والمشرفة  كفاية كدة عشان طولت عليكم اوي بس سامحوني قلت اقلكم تجربتي يمكن تستفيدوا منها 

cute  أبريل 2011

 بصراحة واسفة جدا عن كل كلمة  هيا مدرسة زبالة زبالة كان فيها ابنى السنة اللى فاتت واستم فيها ودخل kg2 وبعدين دخلت ابنتى زكل شويق بقول انها هاتتعدل بس للاسف انا مستوى ابن كويس بس انا حاسة ان لو كان فى مدرسة ثانية كان هايبقى اقوى واحسن انا هانقلهم السنى دى عشان كفاية  نسيت اقول ان الفصل
35 يعنى اخر استهتا والايام اللى فاتت كانوا بيسعوا انهم ياخذوا شهادة الايزو على ايه ان مش عارفة حتى ليا صديقتى ابنها فى رابعة ابتدائى وكان الولد بيصلح للا ستان بتاع الفرنساوى بصراحة دة رأى فى المدرسة وبامانة وربنا يسامحنى لو انا كنت كتبت حاجة مش صح والله والله هيا دى الحقيقة

bonbonaFatima Mother  مايو 2011

 المدرسة شكلها جميل و من افضلهم فى الهرم فى المستوى المعقول هى مصاريفها 6320 و الباص 1500-2000 طبقا للمنطقة و اليونيفورم 700 لو كاش فى خصم 550ج و ممكن على قسطين او اربع اقساط 
انا حبيت اشارك بس لتوضيح تعديل الاسعار (الاسعار دى طبعا فى ال كى جى ) بالتوفيق للجميع
 



إدخل تعليقك ورأيك فى المدرسه