مدرسة ليسيه الهرم لغات

 

مدرسة ليسيه الهرم لغات

 

العنوان:

التليفون:

المصاريف:

·        فى حدود 3600 بالكتب والابليكيشن 50

·        الباص:

·        الزي:

أراء أولياء الأمور فى المدرسه :

 

 

ياسمين10   04-2009

انا قدمت لبنتى فى ليسيه الهرم بالرغم من انى سمعت انها مش كويسه بس بصراحة انا رحت يوم الأربعاء الماضى ولقيت انهم مش وحشين بالعكس عجبنى جدا ان فصول الكى جى منفصلة عن المدرسه تماما وكل مدرسات الكى جى والنيرسرى مدرسات سيدات ومتفاهمين جدا مع الأطفال ودى اكتر حاجة شددتنى جدا وكدة كدة مش حخسر حاجة لانى ممكن انقل فى اى وقت بس دى حاليا اعتقد انسب حاجة لانى مش عايزة باص فى السن دة ويارب تكون حلوة ومحتاجش انقل

 

هم اكبر مرحلة عندهم برى 3 يعنى لسه جداد بيدرسو ماكمليان فى الكى جى... مقرراتهم ممتازة بس السنه دى تقريبا متقدم عدد كبير قالولى ادخل البنت نيرسرى عندهم والسنه الجايه كى جى بس طبعا انا ما وافقتش لانها حتكون اربع سنين وشهرين اول 10

 

هى مدرسه عادية جدا بس نظيفة ومنظمة.... اكتفتى بوك و بابلز بوك و2 قصة وكتاب ماس والعربى بستان حروفى وليهم بوكليت باسم المعاهد القوميه وشيتات.

الناس فى شئون الطلاب كويسين جدا بس التيتشر اللى بتقابل الولاد ماشاء الله طول بعرض هى لذيذة ولطيفة بس البنت اتاخدت منها

من عيوبها المدرسين بتتغير كتير مفيش مسرح مدرسى الأنشطة والرحلات باشتراك بس من مزاياها ان استحالة حد غير اولياء الأمور يستلم الطفل والباص بيدخل المدرسة ينزل الأطفال وياخدهم من الداخل ...وكل التيتشر فى الكى جى والبريمرى سيدات فقط

 

عندهم فى الكى جى 2 كلاس انجليزى وواحد فرنساوى بس سمعت من واحدة بنتها فى بريمرى1 انهم بيضمو ال2 كلاس فى كلاس واحد يعنى بيبقى العدد حوالى 35 دة غير انهم عايزنى اقدم لبنتى فى النيرسرى مش كى جى علشان متقدم ليهم عدد كبير السنة دى فابيخدو الأكبر سنا ...وموافقين ياخدو اختها بس فى البريمرى وانا مينفعش اقدم لكل واحدة فى مكان...على فكرة الأدارة ثابته مدرسين الكى جى هما اللى بيتغيرو بعد الولاد ماتتعود عليهم....بس بيقال برضة انهم فى تحسن البنت عندها مقابلة للمرة التانية يوم السبت ان شاء الله ....وان شاء الله حقدم فى مدارس تانيه لان التنسيق فى الليسيه اول شهر7

 

كل سنه المصاريف بتزيد حوالى 10% ...الأنترفيو مع الطفل بس وانت موجودة اسئلة فى الألوان والفاكهه وبعض الحيوانات ....الكلاسات للكى جى حلوة بس ابتدائى مقبولة...كتب الأنجليزى ليها 2 شريط كاسيت بس التيتشر انت وحظك فى منهم كويس اوى وفى لا .... لماتكون مدرسه حلوة اوكى ممكن بيبى كلاس بس انا شايفة انها عاديه والبيبى كلاس اصلا عندهم مالوش اى معنى مصاريف على الفاضى

 

روني 35   2009

بالنسبة للسية ... أنا مش باخد بالشكل و الله بس لازم حد يطمني الأول لأن أنا مش بدور علي البسين و الخيل و الكلام إللي ملوش لازمة دة .... بس أنا خفت من وسعها و شكلها القديم... بس طالما المصاريف هتبقي 4 و شوية يعني ممكن تكون 4800 أو 4900 لأنها مكنتش محددة يعني جت بقي علي الألف الزيادة يبقي فين الميزة و خصوصا إني ساكنة في أول الهرم و هي في أخر الهرم... بس لو أضمن مستوي اللغة و الدين و هي قبلت فيها يبقي معنديش مشكلة .

 

 



إدخل تعليقك ورأيك فى المدرسه