مدرسة بريليانس للغات

 

مدرسة بريليانس  للغات

Brilliance Language School

 

العنوان:آخر ش 45 عند بداية  الطريق الدائري

التليفون:03-9585067, 03-9585744, 012-1818775, 03-9585068 

http://www.brilliance-school.com/root/index.html

المصاريف:

·         

·        الباص:

·        الزي:

أراء أولياء الأمور فى المدرسه :

  

ايمو   5-2008

الحمد لله انا رحت Brilliance و قدمت

مستواها حلو و خدماتها كتير و هى جديده

نهارده عرفت انهم غلوا المصاريف 20% فطبعا كده كتير اوى بالنسبه لمدرسه ناشيونال اول سنه ادفع حوالى 15000 !!!!

 

رأى و لى أمر

بريليانس ففيها ناشونال عادي وله أسعاره وفيها نظام أمريكي وليه اسعار منفصلة بريليانس على الطبيعة جميلة جدا ولما تروحي بيتعاقدوا معاكي على تثبيت الأسعار حتى لو تغيرت مستقبلا لن تكون شملاكي

 

 لولو 2009

 رحت بريليانس

 

بصراحة المدرسة رائعة إستقبال جميل الكل بشوش والكل لطيف تحسي إن الكل بيحب بعضه

إمكانيات فوق الرائعة

الحمامات كأنك في أوتيل والكلاسس مجهزة باعلى التجهيزات

 

إبني عمل إمتحان مع مس إسمها إنجي مش عايزة أقلكم بتتكلم إنجلش إزاي أكثر من رائع

انا عاجبتني جدا

 

ومسؤولة الإنجلش إسمها مس ياسمين زي القمر ولطيفة وبشوشة بصراحة

المهم أخدوا بودي في غرفة شفته فيها من خلال الزجاج كانوا بيعملولوا إختبار قعد حوالي ربع ساعة

وفي الأخر قعدت مس ياسمين معايا أنا ووالد بودي وقعدت تكلمنا بالإنجلش بس من غير تناكة

وأسئلة جنرال بس عادية

بنشتغل إيه بودي كان في مدرسة إيه عرفنا المدرسة منين ايه اللي منتظرينه من المدرسة م وجهه نظرنا كده يعني

 

المهم قالتلي ابنك اتقبل وخلال أسبوعين ممكن تشرفينا نعمل الريجستريشن

 

قلتلها خلاص كده أفضل عشان انا بدورله على مدرسة تانية برضه (وماتكسفتش أقول كده ) عشان أنا واضحة وبحب الوضوح

 

انا بقى كان ساعتها منتظرة سمارت فاليدج تفتح عشان كانوا في أجازة لأن المدرسة دي بريطانية لكن بريليانس كانت عادي وأمريكي بس وطبعا أنا الأمريكي رافضاه من بابه

يعنى لو حبيت أقول المدرسه فى نقاط:

سيستم مصرى و سيستم أمريكى

المصرى 13000 كى جى و كل سنه بسعر مختلف و تتعاقد بالسعر الى المرحله الأبتدائيه و هذا السعر شامل الكتب

أما النظام الأمريكى ف 19000 جنيه غير شامله الكتب و تتعاقدى بالأسعار الموجوده للمرحله الأعداديه

الفصول سعتها كحد أقصى 21 طالب و هذا يتناسب مع أمكانيات الفصل.

أمكانيات المدرسه ككل جميله و كثيره و الحمامات فخمه و نظيفه لأعلى حد و كل منطقه حمام الأولاد فى مكان و حمام البنات فى مكان

منطقه الألعاب كبيره و مظلله و بها الكثير من الحمايه للأطفال

الباصات بالكامل ملك للمدرسه و جميله 3000 جنيه

  

موكا    4-2009

 المدرسة لى معها تجربة سيئة للغاية فأول ما قدمت لابنى لاقتهم لطاف و هم أفرب مدرسة لي و البنات الى فى الادارة مستواهم أفضل بكتير من المدرسات لخداع أولياء الامور

فالادارة غير متعاونة بالمرة و هناك تجاهل شديد لمطالب اولياء الامور

 لمدرسين على طول بيزعقوا ويبهدلوا الاطفال و ينكروا ده لاكن لما اجتمعنا انا واكتر من وليه امر وجاه صحيح بيقلوا الكثافات قليلة والكثافات عالية طبعا نسبيا 25 طفل فى الفصل و احنا بندفع فوق 19 الف !!!! تخيلوا و ناشونال ثلاثة الاف ونص تقيم 13 مصروفات سنوية و 3و600 باص و الباص يوصل لاكتر من الف ونص و مناهج ناشنوال !!!!معظمنا هيغير اخر السنه ديه وفيه الى هيصبر لحد ما مدرسة احسن تفتح بجوارنا علشان اولادنا لسة صغيرين مش هيستحملوا وفيه الى صابر علشان واخد خصم معقول منهم


والدة مهتمه   يونيو 2010

 السلام عليكم ورحمة الله .. عن مدرسة بريليانس للغات ..... أقول (حسبي الله ونعم الوكيل ),وخاصة علي المديره صاحبة اللسان اللطيف والتنفيذ المعدوم , لا تنفذ وعدا ولا تحب أن تقابل احدا وان قابلت تسمعك بكل ذوق ولكن (سرك في بييير )كما يقال , كثير من المدرسين في المدرسة خائفين والله خااائفين منها فالتجسس عندها في المدرسة شئ بشع(يبقي تخيلوا اسلوب الديكتاتورية عندها عامل ازاي ), ترفض الاعتراف بعدم خبرة المدرسين معدومي الخبرة وهم كتير واول مره يشتغلوا في مدرسه ,يعني تعلموا في أبناءنا , بجانب سوء اللغه وضعفها وبعض اولياء الامور فرحانين ان ابنهم بينطق انجليزي لأن أغلبهم لا يعرف اللغه اصلا , وفرحانين بالحفله اللي بيغني فيها الولاد ويرقصوا وبينسوا ان ده أخد من ولادنا تدرييييب في البيت وفي المدرسه اكثر من شهر بدون تعليم وتجاهلت المدرسه العلم اللي المفروض يقدمونه مع هذه الأنشطه ,والكلام كتير وبمواقف محدده, بجانب ان التواصل الحقيقي لتوضيح  العقبات والمشكلات التي تعترضنا في المدرسة معدوووووم , وعذاب لمن يقابل ابنه او بنته مشكله فيها ,وهم كاذبين فيما ادعوا من تعليم ديني ,يعتبرون ان الاذكارالتي تقولها المشرفه في الاتوبيس  المدرسي وكلمات الاناشيد(الاسلاميه) في الحفلات ونصف جزء قرآن لايجيد المعلمون تحفيظه لأبنائنا ولا حتي الامتحان فيه ولا تسميعه عندهم بشكل صحيح,  هذا هو الدين عندهم !!!!, بجانب الافكار المشوشه التي يبثها مدرسيهم ومديرتهم في اذهان التلاميذ من امثال تهميش كثيرا من الاساسيات الاسلاميه التي يجتهد الاباء تعليمهم لأبنائهم في البيت , هذا غير زيادة المصرفات غير المبرره ويا ريت مقابل تعليم جيد علي الاقل , وسوووووووء   سووووء الزي المدرسي ونوعيته , وعدم مراعاة مشاعر الاطفال النفسيه عند اختيار بعضهم للاذاعة او الحفلات او او , لعدم تمكن المعلمين  وقلة خبرتهم  في هذا الجانب , وعدم العدل بين  الاطفال في مواقف كثيييره جداا جداااا, وبعض المدرسين في منتهي العصبيه والشده مع التلاميذ فهل ينتبه احد لهم ؟؟ مع عدم  عمل اجتماعات لأولياء الامور لأن المديره ترفض ان تواجه بالحقيقه وتتجاهل الاهالي بشكل  واضح جدا وترفض مقابله اكثر من شخص وخاصة لو المشكله واحده لتخبر كل واحد ان المشكله عند ابنه وحده وليست عامه, هي تفعل ذلك معتمده علي سمعة المدرسة في الاول وعلي بيع مسمي كلمة (مدرسة اسلاميه ) والله , ما خفي كان اعظم , الناس تعباانييين من المدرسة ومتضايقين من المديره وندعي عليها بالاسم لنقتص منها يوم الدين واصحاب المدرسه متجاهلين الامر , لان ما يهمهم هو دخل المدرسه , الذي ندفعه  مضطرين حتي نجد البديل الافضل ولو قليلا او اصلاح المدرسة مع الوقت , وللحديث اكثر او ابداء اقتراحات او لعمل اجتماعات حتي نحاول اصلاح  عيوب هذه المدرسة المدعيه  نرجو التواصل  او الدخول علي المدونة التاليه مع ترك تعليقات في محاولة لعمل اصلاح وتغيير من أجل أبنائنا :    http://www.osol-altarbiah.blogspot.com/   ,مع الدعاء لهذا الموقع بالخير والدعاء باخلاص من أجل اصلاح كل منكسر حتي لو كانت مجرد محاولات نجحت او لم تنجح , فما ضاع حق وراءه مطالب وهؤلاء أبناءنا الذين نكدح من أجلهم فليس علينا ان ندعمهم بالمال فحسب وانما قبل ذلك  التربيه وتعليمهم ما يرضي الرب سبحانه .( ملاحظه المدونه (اسمها مدرسة b.l.s مشاكل وحلول ) وهي ما زالت في طور الاهتمام والبحث فلا يبخل أحد علي ابنائه لكي يضع رأيه واقتراحاته او رؤيته ومشكلاته )  وجزاكم الله خيرا .


 



إدخل تعليقك ورأيك فى المدرسه