مدرسة الطلائع الأسلاميه لغات

 

مدرسة الطلائع الأسلاميه لغات

 

العنوان: 5 شارع الورود - ميدان جامعة الدول العربية - خلف مسجد مصطفى محمود

التليفون: 33372134

المصاريف:

        3800 كى جى لسنة 2009

أراء أولياء الأمور فى المدرسه :

 

 

ياسمين 10      (أبريل 2009)

 

المدرسة بتاخد سن كبير فى حدود 5سنولت او اقل بحاجة بسيطة و  ملهاش فروع تانيه

ومصروفاتها حوالى 2000 والباص للهرم 1000 وفيها فصل بين الأولاد والبنات تقريبا من سنه رابعة

بس مش لطاف خالص فى تعاملهم لان عليهم اقبال لان مصروفاتهم معقولة طبعا جدا

فى ناس كتير بتشكر فيها وانا رحتها لانها جنب شغلى بس عرفت انا سن بنتى صغير بالنسبه ليهم 4.2 وهما قالولى مش حتتقبل بس لو عايزة اقدم اقدم وحسب العدد يعنى انا وحظى المهم اختى راحت تقدم فيها لابنها العام الماضى طلبوا صورة من شهادة التخرج ليها ولزوجها (لازم الوالدين موهل عالى) مش دى بقى المشكلة المشكلة ان كان فى مقابلة للطفل ولوالديه ويقعدو يسالو كأن شهادتك دى اى كلام وهما اللى حيشوفو بتعرفى انجلش ولا لا

المهم زوج اختى معجبوش الأسلوب فقالهم هو الأساس على البيت اكتر منه مدرسه ام العكس

ردت عليه اللى كانت عاملة المقابلة تقولو يعنى عايز واحد مبيعرفش يتكلم انجلش يعلم ابنه لغات ازاى وبالتالى حصل مشادة فى الكلام وقالها انت اصلا تفكيرك غلط

اكيد اللى بيعلم لغات دة عارف ظروفة وعارف ازاى حيساعد ابنه

وبس كدة دى كل الحكايه وقرر انه ميكملش الورق بتاع المدرسه وقدم فى مدرسه نارمر الدقى والحمد لله مبسوط منها

 

و لى أمر   (أبريل 2009)

 

بتدى منهج برايت ستار و الأولاد و البنات منفصلين من اول كى جى واحده صاحبتى بنتها هناك و بنشكر فى المدرسه جدا و بنتها مستواها حلو اوى ما شاء الله مع انها مبتذكرلهاش حاجه فى البيت البنت معتمده تماما على المدرسه و على نفسها

مصاريفها معقوله جدا

 

انسانه تحب الله   (يونيو 2009)

 

رحت امبارح يوم 1\6 لمدرسه الطلائع الاسلاميه علشان التقديم طبعا قالولى انها مش هينفع تدخل كج لان سنها هيكون 4 سنوات الا 20 يوم وهقدملها فى النرسيرى

المهم:البنت عملت انترفيو شويه صور على الوان على مكعبات بس اللى داخل الكجى كانو بيوقفوه على سبوره يجمع عليها صور وعملت انا وباباها انترفيو بس هم كان نفسهم ان اى حد يدخل النرسيرى وبالتالى كانت الاسئله عباره عن سؤال واحد انى عرفت المدرسه منين؟وما كانش عندهم وقت ان احنا نسالهم عن اى حاجه خالص وقبلو البنت وقالولنا روحو ادفعو وفوجئت انى اول قسط 1600 جنيه وفيه قسطين ب3000 فاضلين يعنى كله ب 4600من غير الباص

والله انا حتى مش عارفه الكتب او اليونيفورم بكام حتى الباص انا لقيت نفسى بدفع اول قسط زى الباشا وكل الاسئله اللى فى دماغى اتبخرت او بالاصح ما فيش حد يجاوبك عليها

بينى وبينكم انا بداخلى صوت بيقولى كده احسن ويبقى كده امامى سنه واكون شوفت تجاربكم مع المدارس كلها لان الان الطلائع ما بقتش خلاص من المدارس الرخيصه ومش عارفه الغلو ده كلو لازمته ايه (على اساس انها تبع جمعيه خيريه)فهشوف خلال السنه حال مدرسه الطلائع هيبقى عامل ازاى واقارنها بالمدارس اللى بتتكلمو عنهاواختار

وفيه معلومه كمان لسه عارفاها النهارده فيه ولد اعرفه فى الطلائع جاب 89% المدير عايزه ينقل لان المدير قال اللى هيجيب ااقل من 90% ينقل من مدرستى وامه ناويه تشوف محرم لانها ساكنه فى الهرم بس انا مش فاهمه منطق المدير طب ما هو لو كان الولد جاب المجموع ده ما هو يبقى من ضمن اسبابه المدرسه ولا ايه

انا مش عارفه هى الطلائع ايه اللى حصل فيها ده كان طوب الارض بيشكر فيها دلوقتى ربنا وحده اللى يعلم بيها

 






إدخل تعليقك ورأيك فى المدرسه