مدرسة منارة المستقبل للغات

 

مدرسة منارة المستقبل للغات

 

العنوان: الطريق الدائرى الجهةالمقابلة لكارفور المعادى

التليفون: 27270787

http://www.manaratelmostaqbal.com/

المصاريف:

   لسنة 2009:كى جى 11000

   الكتب: 1500

   الباص:

   الزي:

أراء أولياء الأمور فى المدرسه :

  

ام عمر وهيا 9-4-2009

مدرسة منارة المستقبل إنترناشيونال سكول فى القطامية ، لكن أنا معرفش التطبيق إيه، لكن فى المدرسة قسم إنترناشيونال فتح السنة الماضية وبيخدو أمريكان دبلوما، بالإضافة إنهم بيحفظو القرآن كله لطالب القسم دة، وبيصلو الصلوات جماعية، وهى نظام اليوم الكامل يعنى الطالب بيعمل الهومورك فى المدرسة، والمصاريف فى الكجى 11000 و1000 تبرع والكتب 1500 أما بالنسبة للجرايد فهى حوالى 16000 ، والمعلومات دى من المدرسة نفسها، لكن أنا لسه بسأل عليها ولكن علشان ألحق مكان فيها قدمت إستماره لإبنى، وربنا ييسر ونحسبهم إن شاء الله صادقين

 


بصراحة معرفش المنهج إيه، لكن أنا بقالى يومين على كل المواقع بسأل عن العيوب والمميزات ، وقرأت على موقع childegypt.com على facebook وفى رأى قال إنها ممتازه بس فى الفتره الأخيره بعض أولياء الأمور كان ليهم إعتراض على بعض الأمور فيها، فبصراحه زعلت وصليت إستخاره وقعدت أبحث تانى وربنا هدانى لولى أمر بصراحه ممتاز، بيناقش كل التفاصيل وبيسأل على كل المدارس ويرجع تانى يقول خبرته الى شافها فيها، وهو مختار منارة المستقبل على رأس قائمته ، فبصراح سألته إيه شكوى الناس منها فكان رده مريح بالنسبه لى جداً، هو قال إن الناس مش مبسوطه من:

1- المناره بتفصل البنات عن البنين من أولى إبتدائى.( وده أنا عجبنى طبعاً بالنسبه لبنتى لما تتدخل إن شاء الله)

2- مواعيد المدرسه كانت ل 5 PM وإتغيرت ل4 PM فالأولاد مبيخلصوش كل الهومورك فى المدرسه.( وده برده معقول ، نص العمى ولا العمى كله)

3- الإداره مش متعاونه فى موضوع الباصات، يعنى الى فهمته إنها ليها خط سير محدد ملتزمه بيه بدون إستثناء.( يمكن يكون ده متعب شويه لكن ربنا ييسر)

فالحمد لله

 

على فكره مفيش مكان فى الناشيونال فى البرى والكج لكن البرايمرى مفهوش مشكله، ده قالوه لى وانا بأدم لعمر إبنى فى قسم الإنترناشيونال

 

المصاريف (الأنترناشيونال) فى برى سكول والكج مابين 7000الى 9000 بالباص والكتب تقريباً ودى نمرة تليفونهم لو تحبى تسألى وتتاكدى 27270787

(الناشيونال) كانت السنه الى فاتت مصاريف البرى 6500 وكتب 300 والباص داخل منطقة المعادى 1250 وكانت الكج 6800 والكتب 400 والباص 1250 داخل منطقة المعادى وكان سقف المصاريف للثانوى 8000 تقريباً من غير كتب ولا باص لكن افتكر إنها زادت شويه السنه دى والمصاريف المذكوره كانت شمله الوجبه اليوميه والأنشطه وكانت المواعيد الى 5 لكن السنه دى علشان ميزودوش المصاريف أوى زى باقى المدارس أخرجوا الوجبه والأنشطه وعملوا لها إشتراك آخر منفصل وأصبحت المواعيد الى 4



زقزوقه

أنا لية واحدة صاحبتي كانت بتشتغل فيها و قالتلي انها فعلا ممتازة

هى مصاريفها غالية برده ، وأعتقد انها هتعدي ال8000 ، بس هي ممتازة ، و حلوة قوي

و أنا عرفت الكلام ده من صاحبتي اللي كانت بتشتغل مدرسة فيها


Akram   مايو 2010

 مدرسة سيئة جدا وبها مديرة مدرسة فاشلة وولادى الثلاثة فيها وكنت هانقلهم السنة اللى فاتت ووعدتنى بأنى سارى فرق كبير فى المستوى وفعلا حصل الفرق كان كبير جدا للأسوأ لا تعليم ولا أخلاق ولا رقابة على الولاد نهائيا . المدرسين العاملين بالمدرسة كلهم بدون اى خبرة لتوفير فى مرتباتهم وياريتهم بيدرسوا بالأضافة الى الأهمال الشديد فى الأشراف على الولاد فى المدرسة فالنتيجة طبعا ألفاظ خارجة بين الأولاد ومصايب وضرف فى بعض والست نهلة صبرى مديرة المدرسة قاعدة فى مكتبها مش دارية بحاجة وياسلام لو حد عنده شكوى يقابل وزير التربية والتعليم أسهل. عموما انا هنقل ولادى منها السنه دى ومش عارف لسه هوديهم فين بس اى مدرسه هتكون أفضل ان شاء الله


Man_Of_Wisdom  أكتوبر 2010 

أنترناشيونال


إدارة كاذبة و لا تحترم أولياء الأمور و لن تتغير بالتجربة لأولادي عدة سنوات و قريبا سأكتب المزيد


Father  يوليو 2010

إنها مدرسة سيئة بعد مرور حوالي أربع سنوات لأولادي بها و أسوأ ما فيها قبل الدخول في التفاصيل الكثيرة :

1. الكدب المستمر في العديد من الأشياء و الوعود.

2. عدم إنصات الإدارة أو تقبلها لأي نقد من أولياء الأمور.

3. القليل من المدرسين جيدي المستوي وسط الكثير من عديمي الخبرة


و يتبع جميع المساوئ الأخري ،...


hh   يوليو 2010

بداية واحقاقا للحق: ملاك المدرسة  ناس لا تمت للتعليم  ولا للتربية وللاخلاق باىصلة ،فأبسط شىْ يجب ان يكون بين الأباء  والمدرسة هو الحوار للتحدث عن اى مشاكل او اخطاء من جانب المدرسة وفى منارة المستقبل حدث ولاحرج فى كم هائل من المشاكل التى لا ابالغ اذا ما قلت  انها حرق دم مستمر بداية من اتوبيس 


المدرسة الغير منتظم المواعيد لحد يصل ان تضيع الحصة الأولى ونصف الثانية وصولا الى ميعاد الرجوع فى ساعتين وكل ده وابنتى واقفة علشان المدرسين بجلالة قدرهم قاعدين وللعلم بنتى 6سنوات وغير المشرفات وقلة ادبهم والحشرات الى موجودة فى الفصول والأدارة تقولك احنا فى منطقة صحرواية والكتب ام 


2000جنيه وماتشوفهاش بحجة المورد اتأخر وهنصورهلكو والاهمال فى الاشراف الى بتكون نتيجته اصابات الاولاد اصابات بالغة والأنشطة المقتصرة عالىpe فقط ولامكتبة ولا اى نشاط اخر واسعار رحلات مبالغ فيها اما  التعليم فانت وحظك تطلعلك مدرسة كويسة فى مرحلتك وتطلع واحدة سيئة فى مرحلة اخرى 


وده الى حصل مع اولادى بنتى حظها طلع حلو وابنى تعتبر السنة ضاعت عليه وكأنى رميت 16000 جنيه فى الهوا 

اخيرا نصيحة خاصة لله اوعوا تتخدعوا فى هذة المدرسة المستترة تحت ستار الدين


ام لثلاث بنات    يوليو 2010

أنترناشيونال

المدرسه سيئه جدا جدا جدا وذلك لانهم غير قادرين على حلول اي مشاكل لديهم وكفائه المدرسين لديها واحد جيد فى وسط عشره وذلك لانخفاض المرتبات بهاوهي من سىء الى اسوأ، واداره غير مستمعه لمشاكل اولياء الأمور تماما مثل كلام الأخ الكريم مقابلة الوزير اسهل 



ندى   أكتوبر 2010

مدرسة سيئة جدا جدا لى فيها تجربة قدمت لاولادى فيها وعملوا انتر قيو للاولاد وانترفيو لينا وبعد دفع المصاريف بشهر اتصلوا بينا وقالوا ان الاولاد ويتج لست  وعرفت انهم خرجوا ولادى (بنتين توام) علشان يدخلوا غيرهم بواسطة من مسئول تعتقد ان مدرسة زى دى ازاى هتعلم الاولاد الاخلاق وهى اصلا من غيره؟ 


tota   أكتوبر 2010

بصراحة وباختصار مش عارفة اقول ايه ولا اجد وصف لهذه المدرسة غير انها تحت ستار الدين بتسرق الناس وانها نموذج لاستخدام التعليم كتجارة سيئة وصاحبة المدرسة التى تدعى انها طبيبة جراحة فهى ليست سوى جزارة

بامانة الله هذه المدرسة لن تصيبكم انتم واولادكم  الا بالعذاب وحرقة المال والاعصاب وعدم الراحة وعدم الاحترام


موري يناير 2010

انا كنت كلمتهم فى التلفون عشان اعرف حكاية اليم الكامل دى زى ماسمعت لحد الساعة 4 المهم البنت اللى ردت عليا فى منتهى قلة الادب ردت رد بسرعة جدا وقالت اختيارى فلسة هسألها اذاى يعنى كدة .. لقيت السكة اتقفلت اتصلت تانى مردتش الا فى اخر رنة (وانا لسه كنت قافلة معاها) المهم راحت طالعة فيا اقسم

بالله زى مابول كدة وقاللتلى(باقولك لا اختيارى)قولتلهاطب براحة انتى بتكلمينى كدة ليه وكمان لاقيت السكة اتقفلت قالتلى بعوجة (على فكرة لو السكة اتقفلت مكنتش رديت)قولتلها فعلا مالتلفون قعد يرن كتير قالتلى اصل السلك معرفش فيه اية..يعنى عامالة ترد عليا ببجاحة وقرف فدة طبعا ادانى فكرة وحشة على المدرسة

واتغظت من البنت جدا



إدخل تعليقك ورأيك فى المدرسه