مدرسة البشائر للغات

 

مدرسة البشائر للغات

 

* العنوان: قطاع 50 - الهضبة العليا – المقطم

* التليفون: 25077133

* المصاريف:

        لسنة 2009: تقريبا 10000

        الباص:

        الزي:

*  أراء أولياء الأمور فى المدرسه :

 

 

09-03-2008  لشذى الفواح

سمعت برضه على البشاير دى بيقولو حلوة وصاحبه اخ محترم محافظ على المدرسة انها تفضل محترمة

هى تقريبا بنات بس ولغات فقط فيها قسم امريكان

 

جنة العباد

أعرف من كانت تعمل بها مدرسة انجليش وتركتها لأنها غيرت مسكنها بعد زواجها،، ولكنها فعلا تشكر فيها

 

11-05-2008   ايمو

البشاير فى المعادى هيا ناشيونال و انترناشيونال المدرسه اسلاميه لغات و الناس بتشكر فيها

هى اقوى من الملنيوم و كمان اغلى هى اسلاميه كمان الملنيوم فيها ناحيه اسلاميه قويه

البشاير يوم كامل علشان كده مافيش واجبات فى البيت هما بيخلصوها فى المدرسه

 

أم زياد

السلام عليكم

 

انا ابنى فى مدرسة البشائر لكن القسم الانترناشونال هو بقاله سنتين

بصراحة انا السنة دى كنت بفكر انقله لأنى حاسة ان الانجلش مش قوى فى المحادثة فقط لكن المنهج و طريقة تدريسه ممتازين

بالاضافة ان المدرسين اغلبهم مش اجانب

لكن بعد البحث والسؤال عن المدارس حسيت بجد بمزايا كتيييير موجودة فى البشاير ومش موجودة بره ولقيت انكم هنا ماحدش اتكلم عنها فقلت اقول لكم تجربتى

 

اولآ المدرسة صاحبها انسان فاضل ومهذب جدآ وبحس ان هدفه انه ينشىء جيل مسلم اكتر من انه هدفه مادى

 

ثانيآ المدرسات هناك كلهم ودودين جدآ وتحسى انهم فعلآ خايفين على مصلحة الولاد حنينين اوى واسلوبهم تربوى جدآ وده اسلوب المدرسة ككل

 

ابنى اول مادخل كان ضعيف جدآ فى العربى ومدرسته كانت بتشجعه دايمآ وعمره ما حس انه ضعيف لغاية ما الولد حب المادة ومستواه اتحسن كتير

وبصراحة ده اسلوب المدرسين كلهم مفيش ضغط جامد على الولاد متعاونين جدآ بمعنى انه لو مش عارف يحل الهوم وورك بيرجع للمدرسة وبتشرحه له تانى

 

انا سألت ليه مفيش مدرسين اجانب لقيت انه مش شرط تكون المرسة اجنبية عشان تعلم الولاد صح هى ممكن تديهم الاكسنت آه لكن مش كلهم بيعرفوا يتعاملو مع الاطفال وممكن تكون المدرسة مصرية واسلوبها وطريقتها احسن كتير من الاجنبية

بصراحة ابنى بيموووت فى مدرسته ومش بيحب انه يزعلها ابدآ

 

اسلوبهم فى توصيل المعلومة عن طريق اللعب يعنى كان يرجع يقولى احنا طول اليوم بنلعب جيمز فى الماث

 

كمان هما بيهتموا بالدين بصراحة الموضوع مش مجرد تحفيظ قرآن وصلاة بس لكن بيزرعوا فى الولاد عادات جميلة اوى

انا عن نفسى كنت فاكرة ان كل المدارس كده لكن لقيت ان اغلبها بتهتم بالتعليم وبس لكن فى ولد مع ابنى لسة اول سنة ليه فى المدرسة مامته بتقولى انه اختلف تمامآ واخلاقه اتحسنت كتير

 

اما الى مضايقنى انهم قالو انهم هيفصلوا من 6 لكن مفيش فصل لغاية دلوقتى ده غير الانجلش انا كنت بشتكى منه لكن لما سألت اولياء الامور لقيت فى كتير ولادهم كويسين اوى فى الانجلش وفى العكس فهى بتفرق من طفل لآخر لكن بصراحة هما بيشتغلو جامد فى المدرسة

 

الى عايزة اوضحه ليكو وليا ان فعلآ مفيش مدرسة كاملة ابدآ غير كده ان الولاد بيقضوا ثلاث اربع عمرهم فى المدرسة ولو كان الوقت ده مجرد تعليم بدون زرع القيم والاخلاق الدين هيبقى صعب انك تزرعيه فى ابنك خصوصآ انهم على مابيرجعو البيت ويتغدوا ويخلصوا الهوم وورك بيكون اليوم خلص

 

وبرده حاجه اكتشفتها ان مهما كانت المدرسة كويسة فده مايغنيش ابدآ انك تتابعى ابنك وتحاولى تشغليه فى البيت على الاقل يراجع الى اخده فى المدرسة لأن بجد بتفرق كتييييير عن انك تسيبيه بدون متابعه وده الى بشوف انه من عيوب اليوم الكامل لأن الولد بيرجع من غير حاجه فازاى هاتتابعيه او تعرفى مستواه حتى لو اخدتى من وعود من المدرسة انهم هايتابعوه (عن تجربة سابقة)

 

انا عارفة انى طولت عليكم لكن حبيت اوضح مميزات المدرسة واقول كلمة حق هاتحاسب عليها يوم الدين

 

اللهم وفقنا لما تحب وترضى واحفظ ابناءنا وابناء المسلمين واجعلهم قرة عين لنا جميعآ واعنا على تربيتهم واعدادهم جيل مسلم قوى بايمانه وعلمه يرفع راية الاسلام

 


بلغ عن تعليق مخالف 

إدخل تعليقك ورأيك فى المدرسه