مدرسة النزهه للغات


مدرسة 
النزهه للغات

 

العنوان:

التليفون:

http://www.nozhaschools.org

أراء أولياء الأمور فى المدرسه : 

 

مسز تامر 9-1-2009

ناس كتير شكرتلى فى النزهة بفرعيها (الحجاز والاسماعيلية) انا نقلت فيها ابني واللى شجعني عليها كمان موقعهم على النت لقيت فيه امكانية تحميل شيتات السنوات الدراسية المختلفة ولما اتفرجت حسيت ان المدرسة فيها جهد في التعليم، بمعنى ان لو ده مستوى الشيتات يبقى المدرسين فطاحل و لغاية الان الحمد لله ظنى في محله.

 

مسز تامر

بعد ما نقلت ابني مدرسة النزهة للغات فرع الحجاز:

هم هايلييين علميا جميلة جدا جد جدا ومنظمة جدا وحلت لى مشاكل كتيييييييير مريت بها فى الكرنك ولكن الاسلوب فظ فيه ضرب وفيه شتم (يا اغبيا ياحمير يا حيوانات)

المدرسين بيشتموا و بيضربوا كاني في مدرسة عربي والعيال كمان عنيييييفة جدا ادوا لابنى علقة اول ما دخلها من باب الترحيب!!

بصراحة نفسي ابني يكون مهذب وعنده كرامة يعتز بها ولا يرضى بالاهانة هل هذا كثير؟؟؟

اصله بدأ يبقى خواف. بيخاف يعمل حاجة غلط لاحسن يحصل له زي زمايله.

حد عنده فكرة عن مستوى مدرسة تعليمى واخلاقي محترم

 

اللى اقدر اقوله انها مدرسة علميا ممتازة عن حق مدرسين اللغة العربية و الانجليزي ممتازين كمان مشكلتى ان فيها شوية عنف بمعنى اني سمعت عن بعض حوادث الضرب من مدرسين القرآن او الدراسات الاجتماعية للصفوف الاكبر من اولى كمان مشكلتي فيها انها عربي ولغات وده مقلل من مستوى الرقي في السلوكيات للاطفال اللى بيحتك بيهم الولد كمان ما فيهاش حوش واسع ازو ملاعب. بس ادارتها محترمة جدا جدا جدا و العلم عندهم هو الاساس مش مسالة تجارة وخلاص زي مدارس كتير دلوقت. وربنا يوفقنا جميعا للخير.

ان من مميزات المدرسه بالنسبة لي ان حفظ القرآن بيتم في الحصة و مش الزام عليهم انهم يسمعوه عن ظهر قلب يعنى ما عنديش عبء اضافي في البيت من هذه الناحية لذلك انا شايفة انهم ممتازين من الناحية دي الطفل بيتعلم وبيسمع القرآن و انا باسمع ان فيه مدارس المنهج ده فيها بامتحان ودرجات وكده .

انا مبسوطة جدا من مستوى المدرسين ومعاملة الادارة والاهتمام بشكوانا مهما صغرت وكمان نظااااااااام البوكلت والضمير عند المدرسين حلو لحد دلوقت الحمد لله.

 

possy26

النزهة انا اعرف انها كويسة. التعليم فيها كويس لكن اسمع ان فيها شتيمة وضرب وان الولاد الصبيان يعنى بيتخنقوا مع بعض ودة طبعا شئ مش كويس.

 

مسز تامر

الفرق بين النزهه فرع الحجاز وبين النزهة اللي في طريق مصر اسماعيليه ؟؟؟؟

بالنسبة للنقطة دي انا سالت ام ابنها في طريق الاسماعيلية بتقول لي ان مستوى ابنها في الانجلش مش عاجبها بس الموضوع ده نسبي فانا مش عارفة بالضبط

لكن بالنسبة لي: انا ارتحت نفسيا و ابني كمان للنزهة فرع الأسماعيلية.

كنا في زيارة للتعرف على المدرسة اللى شوفته هناك فقط المديرة والدادات في الحمام وكانوا في منتهى النشاط برغم اننا في نهاية اليوم الدراسي(3 الا عشرة العصر). كمان المكان اوسع بكثييييييييييير من فرع الحجاز المفروض انها فيها انشطة رياضية وحمام سباحة وكمان في زيارتي دي كان فيه اولاد تقريبا رابعة او 5 ابتدائي بيلعبوا العاب مع مدرسهم ورجعين فصلهم سالتهم بتحبوا المدرسة كلهم قالوا اه !! احتمال يكونوا فاكرين اني ميس في المدرسة او من الادارة لو كانوا بيبالغوا بس احساسي الشخصي انى كنت مرتاحة جدا و لو ان ابني في فرع الحجاز حاليا لكن فكرت انقله رغبة فقط في مستوى ارقى لان النزهة الحجاز (عربي ولغات) لكن الاسماعيلية لغات بس. لكن لا زلت حاسة انها بعيدة شوية علي.

 

بصراحة موقعهم على النت عامل لي انبهار ما شاء الله ولا قوة الا بالله

كل حاجة بصراحة وبوضوح وكفاية ان من اولى ابتدائي جبت نتيجة الولدمن الموقع ده ربنا يكرمهم بجد نظام نظام وانا باحب النظام جدا

كمان الشيتات بيحطوها للولاد على النت و اتفرجت عليها قبل ما انقل ابني وبالفعل عكست لى مستوى التعليم هناك وجهد المدرس بيبان.

 

وبتقبل من سن 4 وانتى طالعة.

كثافة الفصول في فرع الحجاز اولى ابتدائي لغات (فصل ابنى 29)

مشكلتى مع المدرسة انها ما فيهاش مساحة كبيرة للاولاد كمان انا علشان ابنى حساااااس جدا فبخاف عليه من المدرسين الشداد ولكن حاليا اكتشفت ان مدرسينه عرفو ده عنه و احساسي انهم والحمد لله بيراعو ده يعني بيتعاملوا مع كل واحد بصورة مناسبة له. بس كمان ابنى مش بيحكي لي على كل حاجة!!! مرة عرفت من مدرس القرآن نفسه بالصدفة انه زعق له وان الولد عيط ثم المدرس كان هايزنبه لما لقاه عيط واتضايق قعده وما زنبهوش. فيه اكيد بعض الشدة بخاف تزيد بس لما يكبروا ربنا يستر و ناس كتير بتشكي من زحام الباصات بس هم صريحين جدا لو الولد او البنت لهم مكان بيقول لك ولو الباص اتملى بيقولك هايقف وهكذا بيتركوا الاختيار من الاول لولي الامر .

بالنسبة لي نفسي انقله مكان ارقى وفيه انشطة اكتر بس خايفة ده يكون على حساب التعليم مستوى التعليم في النزهة (ابنى في الحجاز) انا سعيدة به ولكن لاني في مجلس الاباء فشكاوى الناس بتوصلنى و الل انا شايفاه عن حق انها بعض الحالات الفردية و كمان بالنسبة للعدد الكبير للطلبة اللى في المدرسة شيئ لا يذكر يعنى لو عندنا 3000 طالب و فيه 10 شكاوى يبقى فعلا ولا حاجة بس علشان انا برضة زي كل ام باطمع في افضل حاجة لابنى فكرت انقله و لكنى لازلت بابحث.

الاهتمام في الحجاز ممتاز ولكن في الاسماعيلية العدد اقل بكتير فظني ان ده يخلى الاهتمام اكبر.

 

eyadnasr4u

انا روحت قدمت لابنى فى مدرسة النزهه اللى فى طريق مصر الاسماعيلية انا لقيت المدرسة نظيفة حلوة اوى وحسيت انهم متدينين بس مش عارفة اللغة هناك ايه اخبارها


إدخل تعليقك ورأيك فى المدرسه