مدرسة هارفرد أيجيبت كوليدج

 

مدرسة هارفرد أيجيبت كوليدج

Harvard Egypt college

 

العنوان:

التليفون:

www.hec-cairo.com

المصاريف:

         

        الباص:

        الزي:


أراء أولياء الأمور فى المدرسه :

 

Nokmar   2009

المدرسة لسه جديده من سنتين تقريبا انا قدمت فيها لبنتي  ومن انطباعي عنها انها مدرسه كويسه واصحابها ناس محترمين اوي وعايزين يعملوا حاجه كويسه للمدرسه  والفصول جميله ونظيفه وهيدرسوا منهج ماكميلان من السنه الجايه والفرنساوي من KG1 ..

 

 Natalie  مارس 2011

 انا يا جماعه حبيت اقولكم اللي عرفته عن المدرسة،،انا كنت شفت يافطة عليها اعلان للمدرسة و رحت هناك اشوفها عشان اقدم لابني بيبي كلاس السنة الجايه...بصراحه لما رحت انبهرت بشكل المباني و الريسيبشن عامل زي مداخل الفنادق و خلوني لفيت المدرسة بصراحه شكلها حلو اوي...المشكلة بأه ان ابني طلب مني

يدخل التواليت لقيت الحمام مش نضيف فاستغربت لأني المفروض ان ده وقت بيستقبلوا فيه الناس الجداد فالمفروض كان يكون فيه استعدادات و كمان في اولاد من اللي بيدرسوا بيدخلوا فكده هايتاذوا..الحاجة التانية اني لقيت وانا خلاص ماشية و عند الباب ولي امر خارج و هو متضايق جدا و بيقول انه غلط من الاول انه

جاب ولاده المدرسة ده بصراحه كنت عايزة اعرف هو ايه المشكلة فحاولت اروح وراه اعرف هو فيه ايه فلقيت زوجته واقفه مستنياه بره عند العربية ناديت عليها و سالتها ((انا هانقلكم الحوار زي مادار بيني و بينها))في ايه قالتلي هو انتي ناوية تجيبي ابنك هنا قلت لها ايوة قالتلي احسنلك دوري على مدرسة تانية فسألتها ليه

مع ان المدرسة شكلها كويس أوي قالتلي بصي احنا كنا زيك كده و نقلنا الولد رابعه برايماري و جبنا اخته الصغيرة بيبي كلاس هنا و من أول السنة و احنا قلبنا موجوع من كتر المشاكل اللي بنشوفها...الاول و البنت الميس بتاعتها اتغيرت من اول اسبوعين بعد ماكنت البنت حبت الميس بتاعتها اوي و اخدت على المدرسة

بسببها وخلوها مش عايزة تيجي تاني عشان الميس الجديدة بتتعامل معاهم بشكل وحش اوي و اتغيرت الميس بتاعتها مرتين بعد كده و اصلا كل واحده فيهم اللغة بتاعتها مش اد كده...الولد بأه مشكلته اكبر لأنه في رابعه ابتدائي و اكتر من مرة كنا نيجي و نتكلم على المناهج اللي المدرسة حطاها و انها ضعيفة جدا و طلعوا

عينينا لان كل ردودهم اننا شكوتنا فردية و ماحدش بيشتكي غيرنا على الرغم من اننا شفنا اولياء امور كتير و قالوا نفس الكلام على مراحل الدراسة المختلفة...برضه تغيير المدرسات حتى الميس اللي جت كويسة مشوها و الموجوده دلوقتي برضه مطلعة عينينا و كان عندهم مدرس كان بيتعامل بهمجيه شديدة و اكتر من مرة

نشتكي منه يكدبونا لدرجة ان الولد جه في يوم و خايف يروح المدرسة تاني لانه شاف ولد صاحبه و هو المدرس بيضربه...رحنا سالناهم قالولنا ده اشاعه و ماحصلش كده..بس احنا لقينا ناس في سنة تالتة بيقولوا ان الموقف ده حصل برضه في الفصل اذا الولد مش بيالف.و لما سالنا برضه قالوا اشاعات!!!!!!!! ده خلاني

اسالها عن المدرسة طيب و نضافتها عشان اتاكد من موضوع التواليت اللي انا نفسي شفته قالتلي يوووه ده ده كده نضيف انا ابني كان بيجيلي و يقوللي ان بيلاقي تواليت على ارض الحمام و على القاعده نفسها....قلت لها طيب و انتي ناوية على ايه قالتلي انا ناوية انقل الولد و مش باجيب البنت اصلا لانها كده كده بيبي كلاس

و مش فارق..انا نقلتلكم اللي شفته و بصراحه هاحاول ادور على اراء تانية برضه عشان اتاكد....

 

  nanno  مارس 2011

 انا رحت المدرسة و افتكرتها فى الاول ممتازة طلعت تجيب ضغط و سكر من كم المشاكل اولا المثل الاعلى ليهم المنهل المدرسين فيهم كويسين و الكثر سيئين جدا تسمع الشتيمة من على بعد و كل لما تشتكى من مدرس لازم ولى الامر يكون كداب و الاولاد كمان كدابين و هم بس اللى صح سوبر فايزر العربى انا اسف

تفتكروا بواب ولا يفهم حاجة و المواد الاجتماعية ضايعة والانجليزية كل واحد و حظة فى المدرسين ولو مدرس سئ و حد يشتكى يكدبوة و هو كدة و يبقى الشخص الى اشتكى دة بتاع مشاكل و يتحط فى البلاك ليست و المعاملة قبل الدفع كلها دلع و بعد الدفع انا اسف مش عايز اقول

 

   اب 3/2011  مارس 2011

 السلام عليكم و رحمة الله و بركاته
أنا بنتي في مدرسة هارفرد ايجيبت كوليدج في مدينة نصر هي في كي جي 2 السنة ده..من اول السنة و احنا في مواويل أد كده و زوجتي دايما في المدرسة عشان تحاول تلاقي حلول للمشاكل المتلاحقة هناك و للأسف دون فائده..اولا النظافه،،المدرسة لا تهتم بالنظافة ابدا فيما يختص بالحمامات و دايما في مياه على الأرض

بتسبب في ان الاولاد بيتزحلقوا ده غير الحمام نفسه علطول ريحته سيئة و التواليتات مش نضيفة.ثانيا الناحية التعليمية،،في التيرم الاول كله كانت البنت بتدرس منهج كي جي 1 في العربي و هي الحروف ولما شفت بوكليت العربي لكي جي 1طلع هو هو بتاع البنت..و كل لما زوجتي تشتكي من ضعف المنهج يقولوا اننا مش

اكاديميين عشان نقدر نحكم...اعتقد ان لما يكون منهج سنتين كي جي هو هو يبقى مش محتاج أكاديميين للحكم عليه..مدرسة اللغة الانجليزية كانت جيدة الى حد ما لكن كان مشكلتها انها بتكتب غلط و لما زوجتي اتكلمت مع مشرفة قسم اللغة الانجليزية لم تتخذ أي موقف لتوجيه المدرسة لتفادي اخطاءها..و فضل الحال على ما

هو عليه طول التيرم..قالوا ان في منهج علوم و لكن لم يستخدم الاولاد البوكليت الخاص به الا كام مرة و طبعا نسيوا كل حاجة نتيجة عدم الاستمرار..الرياضيات مالهاش بوكليت خاص ولكن نفس بوكليت الانجليزي كام صفحة انجليزي و وراها صفحة رياضيات و هكذا.ده غير ان منهج التيرم كله كان عبارة برضه عن

منهج كي جي 1 و هو الارقام لغاية 10....كل ده و كل لما نشتكي او نطلب حلول يا اما يكون الرد لاذع باننا مش اكاديميين و هانفهم في الحاجات ده ازاي يا اما اخرون يحاولوا يسكتونا بكلمتين هانعمل و هانسوي و مافيس اي تغيير..التيرم ده مافيش مدرسة للغة الانجليزية و مقسمين مشرفة القسم للتدريس للفصلين

الانجليزي و الرياضيات و العلوم و الصوتيات((اللي هي اصلا مش بياخدوها الا كل فين و فين))و هي ايضا مدرسة الفصل للفصلين و ده طبعا غير ممكن لأن الوقت مش كافي نهائي لا لترسيخ المعلومة و لا لتصحيح ما يتم كتابته اثناء الدرس و بتيجي الكراسة مكتوب فيها غلط و المدرسة مش مصححاه..انا نظرا لانشغالي

 
الدائم فزوجتي هي اللي دايما متواجده في المدرسة و ده بيخليها دايما متواجده هناك لمحاولة ايجاد اي حل...طبعا احنا أخدنا قرار نقل البنت السنة الدراسية الجديدة و ان شاء الله نلاقي مدرسة تانية ترحمنا من كل ده مشاكل...

 

بلغ عن تعليق مخالف  



إدخل تعليقك ورأيك فى المدرسه