مدرسة نيو مانور هاوس لغات

 

مدرسة نيو مانور هاوس لغات

 

العنوان:

التليفون:

المصاريف:

        7400 لسنه 2009

        الباص:

        الزي: 


أراء أولياء الأمور فى المدرسه : 

 

Bent misr      (مايو 2008)

 

انا اسمع ان manor house اللى فى الدقى(و ليها فرع فى 6 اكتوبر)مستواها حلو اوى و مصاريفها حوالى 5500

صاحبتى ابنها فى القسم اللغات و مبسوطة من مستوى المدرسة

المبنى بتاع الدقى مافيهوش ملاعب ولا مكان لأى حاجه-و ده حال معظم المدارس القديمة- لكن فرع 6 أكتوبر بيقوللوا حلو أوى....اللغات و ال international

 

Bodamody    (مايو 2008)

 

انا فعلا سالت في منار هاوس بس مجرد ردهم في التليفون دايقني لانها استغربت اني باقول السلام عليكم وفالت لي احنا امريكان هنا والمصاريف 15000مش 5000 مش عارفه فيه خلط امور تقريبا

 

أم جورى (أبريل 2009)

 

سألت فى نيو مانور هاوس اللى فى اكتوبر قالولى ان مصروفات الكى جى بالباص 8700 وبرايمارى 3 بالباص 9700

و منهجهم برايت ستار

 

Lolowation  (أبريل 2009)

 

مع إحترامي الشديد لكل اللي عجبتهم المدرسه انا من وجهه نظري لا اراها مناسبة ابدا

باصاتها اولا كلها إيجار وده اللي خضني . وبعدين المدرسة دي لا علاقة ليها بالأصلية لأني اتأكدت من ده بنفسي

ثاني حاجة أغلبها أقباط فحسيت إنها ليها طابع خاص

ده غير إن فصولها ونوعية الأولاد ما حبتهوش خالص

 

ولى أمر (مايو 2009)

 

... مدرسه كويسه جداً قديمه و ليها سمعتها ونتائجها المعروفه من زمان .انا ابنى فيها من 3 سنوات . هو في

Primary one

و مستوى والكتابه و القراءه عربى وانجليزى والنطق السليم عنده كويس جداً مع انه لعبى بطبيعته إلا ان المدرسه شديده تعليمياً و تربوياً . وبيشاركوا اولياء الامور فى اى حاجه بتخص الطفل ... و مفيش الدلع الزياده دة الى علشان خاطر اولياء الامور متزعلش. وكمان مهتمين بالانشطه المختلفه و مصاريف المدرسه 6300 تدفع علي قسطين وبيدرسوا فى ال

KG " Magic Time "

Primary " Bright Star "

وليهم فرع فى الدقى

 

ولى أمر (مايو 2009)

 

new manor house is really good education wise and building and wide areas there i was comparing between this school and Elwy but i choose Elwy because it is near to my home as i am living remaraya national-American-IG

sorry i forgot something else the KG manager is foreigner and she is v good, by the way she was the KG manager in Elwy school

nice and good classes- KG garden is clean with green moket

 

ولاء مصطفى (مايو 2009)

 عاجباني جدا بس مفيش اهتمام بالقرأن غير في منهج الوزارة في بريمري 1 + انا سمعت انها زي الراهبات شوية


ولي امر 2010   أكتوبر 2010 

السلام عليكم..انا ابني في مدرسة نيو مانور هاوس انا شايفة ان المدرسة حلوة جدا و نظيفة ومهتمين بيها جدا والتعليم كويس جدا و الاكسنت كويس اوي وبصراحة انا لفيت كتير عشان الاقي مدرسة كويسة وعريقة و الحمدللة اني استقريت على المانور هاوس .انا ابني مبسوط جدا من المدرسة ومن المدرسات.ابني في برايمري 1وبصراحة ماشين في المنهج وحدة وحدة وكل راي لولي امر بياخدوة في الاعتبار دايما.والتربية الدينية بياخدو كتاب الوزارة وموضوع والمنهج بتاعهم فاميلي اند فريندز و هو منهج كويس جدا المشرفات هايلين وخصوصا مشرفات البص.انا بصراحة مبسوطة من المدرسة جدا .

 أحمد  مارس 2011 

على مايسمع عنها وعن فرعها بالدقى _جميلة ومساحتها واسعة -- منظمة ومنتظمة -- مناهج وهيئة تدريس وادارة مدرسة ذات كفاءة عالية--- ولكن....!!!؟؟ مايثير الدهشة والاستغراب .ما سر تمسك ادارة الدرسة بل أصحابها باسم (نظيف) أو عائلة د/ أحمد نظيف حتى اللحظة .؟؟؟ رغم ماهو معروف عنه الآن رئيس وزراء ساقط فاسد مما يسئ الى سمعة المدرسة حاليا . ونعرف عن المدرسة السمعة الحسنة العالية.... وبالأخص أصحابها... ألا هذا يثير جدلا واسعا .؟ خاصة بعد مانشر عن العائلة من فساد وافساد لرمزها نظيف؟؟ وآخرها( الرقابة المالية عن مدرسة القرية الذكية بأكتوبر.. والتى أحد ملاكها الراحلة / منى نظيف زوجة د/أحمد نظيف...والتى كانت سابقا مدية مانور هاوس..؟؟ والآن تقريبا (ايمان نظف)؟ غموض يثير جدلا واسعا لدى الكثير......نخشى سقوط هذا الصرح التعليمى لتبعات نظيف


إدخل تعليقك ورأيك فى المدرسه

Comments