2017 - Video de LIBERANIMO
DE TERŬEL NE AJNUL' DEVENAS
JUTUBA VIDEO DE "LIBERANIMO"
TERŬELA ESPERANTO-ASOCIO
La pasintan 20an de aprilo 2017, samideanoj de la terŭela Esperanta asocio "LIBERANIMO" alŝutis en jutubo interesan videon hispane kantata de Joaquín Carbonell kaj subtitolita esperante.
La titolo en Esperanto de la kanto estas: "De Terŭel' ne ajnul', devenas". Jen sekve la jutuban videon:
Jen ligilo por spekti ĝin rekte en Jutubo:
Jen ligilo por spekti gxin en Fejsbuko, kie la kanto aperas jam voĉe esperante tradukita fare de Manolo Pancorbo:
Video de LIBERANIMO en Fejsbuko
Jen sekve la esperanta traduko de tiu hispana kanto:
De Terŭel' ne ajnul' devenas
Kantas: Joaquín Carbonell
Vagis mi en vilaĝoj sen abat'
sed kun homoj sen rankor'.
Ploris mi pro la vid' de katedral'
starigita kun dolor'.
Amo ekis en tago de april'
ĉe figarbo de l' Paradiz'.
Belan vesperon en Novjork'
mi memoras sen pasi'.
Naskis min la patrino sen doktor'
en terura tempesta tag',
post unua ekkrio frapis min
la surpriz' de mineral'.
Plenkreskinte neniam vidis mi
la ĉielon de l' infanaĝ'.
Eĉ sep tagojn mi pasis en silent'
pro premado de l' saŭdad'.
Vanas via strebo, ve!
ne vin trafos la kompren'!
Estas loko, estas ter'
kien eĉ misgvidas rel'.
Nokto brilas pli ol sun'
rudras vi al la Fortun'.
Vanas la serĉado, ve!
Jen do Terŭel'.
La dezerto fariĝos via hejm'
kaj brakumos vin la neĝ'.
Mudeĥaro ne estas nur ornam'
jen stelaro por aĉet'.
Eble strange, verdire, fakte jes,
do naskiĝis ja en Terŭel'
maloftuloj, kiel Chomón,
maloftuloj, kiel Buñuel.
Se proksime de vi ne estas font',
se en hejmo ne estas lum'
se la stratoj agacas dum promen'
se vi jam ne eltenas plu,
se pejzaĝ' ne videblas el' balkon'
se dimanĉe forestas pan',
ne suferu! Ne zorgu, hom',
ni rajtigas vin terŭelan'!
Vanas via strebo, ve!
ne vin trafos la kompren'!
Estas loko, estas ter'
kie paŭzas vivovelk'.
Nokto brilas pli ol sun'
rudras vi al la Fortun'.
Vanas la serĉado, ve!
Jen do Terŭel'.
Vanas via strebo, ve!
tion vi eĉ ne komprenas:
jen facile hom' de Pekin',
jen facile hom' de Istambul',
jen facile hom' de Madrid',
sed de Terŭel' ne ajnul' devenas.
