La anoncita kaj longe preparita vojaĝo jam pasis...  Ĉi sube vi povas legi superrigardon de tio kion mi faris en Malajzio kaj Indonezio (por Orienta Timoro vidu la koncernan retejon -- ĝis nun mi ne faris apartan retejon pri mia kaj alia E-agado en Malajzio). Vi povas alklaki plejparton de la datoj por legi taglibroforman raporton pri la koncernaj tagoj. Tiuj 'taglibro' ne nur pritraktas mian tiean por-Esperanta agadon, sed se vi interesiĝas kiel mi ĉion tion preparis, faris, spertis, kaj kion alian mi faris survoje... bv. legi... Aldoniĝos ankaŭ la sekvaj tagoj baldaŭ.

Antaŭ la vojaĝo mi petis financan helpon. Tiu teksto relegeblas ĉi tie. Intertempe venis ja danke al du esperantistinoj kaj KAEM sufiĉe da helpo por la vojaĝkostoj de la du pasintaj vojaĝoj.

Lastaj informoj pri aliaj aspektoj de la movado en Indonezio troveblas en la blogo.

7/3
Foriro el Belgio: per buso kaj trajno al Schiphol (Nederlando) de kie mi flugis al Kuala Lumpur.

8/3
Alveno en Kuala Lumpur (Malajzio). Tranoktado ĉe membro de Couchsurfing.org

9/3
9h-12h: enkonduko pri Esperanto. Vidu aktivecon ĉe Couchsurfing.

10/3
12h45 - 15h50: flugo de Kuala Lumpur al Makassar (Indonezio). Tranoktado ĉe membro de Couchsurfing.org

11/3
Intervjuo ĉe la radio de la universitato.
Aldone okazis intervjuo kun ĵurnalistino de la gazeto Fajar.

12/3
11h-12h: intervjuo kun plia ĵurnalistino de la gazeto Fajar (kun fotisto).
13h-15h: E-enkonduko en la universitato UNHAS (Universitas Hasanuddin). Evento en Facebook (se vi ne estas membro de FB vi ne povas vidi la eventon). Aktiveco en Couchsurfing. Rimarko: la evento okazis kun ĉ. 30-40 personoj sed nur ĝis la 14a30 ĉar lastmomente mi sciiĝis ke je la 15a horo mi jam devis esti ĉe la provinca televido...
15h-16h: intervjuo ĉe Celebes tv.
Matene kaj vespere mi provlegis unuan fojon la tutan kongreslibron.

13/3
Matene laboro komputila/retuma, interalie kontaktante homojn en Dili, Orienta Timoro. Iom da esplorlaboro.
10h30-11h: vizito al la radio RRI (Radio Republik Indonesia).
11h-12h: intervjuo kun Dhidi Zikran kadre de la programo: Suara Publik (Publika Voĉo). Dume pluraj homoj telefonis kaj tekstmesaĝis al la programo, de tiom for kiel Orienta Kalimantan kaj Flores.
14h-15h: E-enkonduko en universitato Universitas 45. Rekte al la oficejo de la Suara Celebes. .
16h-17h: Mallonga antaŭintervjuo kun Wulan Yulianita. Intervjuo ĉe la radio Suara Celebes. Malmulte da muziko/paŭzo, do multe da informoj. Telefonis kaj tekstmesaĝis kelkaj homoj.
19h-22h: Kunveno de junuloj kiuj interesiĝis pri fondo de E-klubo. Okazis komence ankaŭ intervjuo kun du ĵurnalistoj de la urba junulara revuo Soulmaks. FB-evento.
Poste: labori pri la kongresa programo ks. ĝis post noktomezo.