Azken Berriak

2020ko udaberria

publicado a la‎(s)‎ 23 may. 2020 9:01 por Beloaga Bizirik

Egun on! Hemen duzue azken boladako laburpen txiki bat:

Neguan egin zuen eguraldi ona aprobetxatuz, Beloagako hegoaldeko laharrak eta sasiak garbitzen aritu ginen, harkaitzetakoak ere bai, eta garbiketa politta egin genuen. Horrez gain, bide berri bat ireki dugu, Anderregiko hilarritik sartuta, ehiztarien trepa txiki bat pasa eta segituan eskuinaldera jo behar da. Hortik bunkerretako bidegurutzera iristen zara. Ezkerretara bunkerrak eta eskuinetara gaztelua. Goraxeago ere bi aukera daude hegoaldetik edo iparraldetik. Lehenengoa errazagoa da, nahiz eta jaisteko biak izan irristakorrak. Oraindik ez dago erabat bukatua, baina Arkaleatze txaletetik baino erosoagoa da behintzat eta lohi gutxiago dago. Bandera berria ere jarri genuen, otsailaren erdialdera.

Dena dela, garrantzitsuena, alegia, indusketa eta obra bukatzea, ez dirudi aurten ere egingo denik. Orain dela hilabete pare bat atera ziren indusketak egiteko baimenak eta diru laguntzak, eta aurretik hasi ginen lata ematen Aranzadin behingoz dena bukatzeko. Baina egia esan, koronabirusaren kontuarekin ez dut uste ezer egingo dutenik. Beraz, hirugarren urtea joango da gauza handirik egin gabe.

 
 
 
 
  



2019 urtea ere joan zaigu

publicado a la‎(s)‎ 5 ene. 2020 10:34 por Beloaga Bizirik   [ actualizado el 5 ene. 2020 10:35 ]

URTE BERRI ON !!!

Azken bolada hau hitzalditxo batzuk emanez edota bisita gidaturen bat edo beste eginez pasa dugu. Gainerakoan, beste urte bat joan zaigu Beloagako obraren azken fasea eta indusketa bukatu gabe. Orain dela hilabete pare bat Diputazioko teknikoekin egon ginen bertan, ea gazteluari bultzada bat ematen dioten, eta ez zuen ematen eragozpen handirik jarri behar dutenik. Bitartean ingurua txukun mantentzeaz aparte, ezin dugu besterik egin. Ea ba datorren urtea behingoz Beloagaren urtea den !!!

 
 
 
 
 
 

BELOAGA GAZTELUKO TRONPA ZAHARRAK EDO MUXU GITARRAK 2019ko maiatza.

publicado a la‎(s)‎ 24 may. 2019 9:52 por Beloaga Bizirik

Musika tresna honekin lotuta historia harrigarria daukagu Durangon. Dirudienez Alonso Mella fraide zamorarrak mugimendu heretiko handia sortu zuen Durangon 1440. urtearen bueltan. Durangoko etxeetan biltzen ziren gauez, eta agintariek, haien atzetik ibili arren, ezin zituzten harrapatu. Izan ere, fraideak Santanderretik ekarritako tronpak banatu zien kideei eta atarietan burua sartuz eta tronpa joz abisu ematen zieten bildutakoei, agintariak ezertaz ohartu gabe.

Salaketen ondorioz ehun bat lagun hil edo erre omen zituzten, tartean fraidea. Handik aurrera Durango herriari tronperri esaten zioten, eta Durangokoari tronperrikoa. Horrez gain, Kurutzeaga izenez ezagutzen den 4,30 metroko gurutze galanta ere heretikoen kontra eraiki omen zuten.


 
 

BANDERA BERRIA BELOAGAN

publicado a la‎(s)‎ 10 feb. 2019 8:00 por Beloaga Bizirik   [ actualizado el 10 feb. 2019 8:04 ]

Aurreko bandera Gabriel borraskak eraman eta gero, joan den asteazkenean, otsailaren 6an, jarri genuen bandera berria Beloaga gazteluan. Ea gutxienez urtebete irauten duen.

URTE BERRI ON

publicado a la‎(s)‎ 10 feb. 2019 7:34 por Beloaga Bizirik   [ actualizado el 10 feb. 2019 7:56 ]

2018a pasa da eta Arkalera igo bazarete, ikusiko zenuten ez dagoela aldaketa handirik. Baina jakin dugu udaletxeak partida bat ireki duela azken fasea egiteko, hau da, eskailerak, plataforma, panelak eta abar. Eta oraindik nahiko diru ez badago ere, suerte pixka batekin datorren urtean hasi litezke lanak.

Gure aldetik ere denbora aprobetxatu dugu. Gazteluaren ingurua garbitzen jarraitu dugu, eta gauza dexente aurkitu ditugu. Beraz, altxorra handitzen ari da, ea Aranzadikoak noizbait etortzen diren indusketa bukatzera, aurkitzen dugun guztiarekin erakusketa mundiala egiteko aukera izango dugu eta.

Argazkietan ikusten duzuenez, ikastolako umeekin ere izan ginen, Oiartzunen Erdi Aroan gertatu ziren hainbat historia kontatzen. Bestalde, Irungo lagun batekin Beloaga gaztelua nolakoa zen ikusteko bideo txiki bat ari gara prestatzen, eta hori ere datorren urterako prest egongo da.

Besterik gabe, izan untsa eta gora Nafarroa!!!

 
 
 
 
 
 

Vídeo de YouTube






BELOAGA BIZIRIK GIZAKATEAN 2018KO EKAINAREN 10EAN

publicado a la‎(s)‎ 14 jun. 2018 2:36 por Beloaga Bizirik

 
 
 
 

2018ko urtarrila

publicado a la‎(s)‎ 24 ene. 2018 9:36 por Beloaga Bizirik

Hementxe gaude obraren azken fasea egiteko Eusko Jaurlaritzatik iritsi behar duen diru laguntzaren zain. Bitartean gaztelu ingurua garbitzeko asmoa genuen, baina eguraldiak ez du askorik laguntzen. Joan den astean, berriz, urtarrilaren 18an, bandera berria jarri genuen, zortzigarrena, aurrekoa txiki arraio egina geratu baitzen. Hortxe dituzue ere Beloagari buruzko bideoa promozionatzeko egin genituen saioetako argazkiak eta artikulua, bai Hernanin, bai Durangon baita Oiartzunen ere. Baten batek bideoa eskuratu nahi badu, Urrats liburu dendan dauka salgai. Hurren arte.



 
 
 
 

Beloaga gazteluari buruzko bideoa.

publicado a la‎(s)‎ 9 dic. 2017 5:45 por Beloaga Bizirik   [ actualizado el 9 dic. 2017 6:20 ]

Dagoeneko salgai dago Durangoko Azokan Nabarraldekoek Oiartzungo gazteluaren inguruan egin duten bideoa. Hara joateko aukerarik izan ez baduzue, abenduaren 22an Oiartzungo udaletxean aurkeztuko dute.

Vídeo de YouTube



Hernani, 2017ko azaroaren 27a.

publicado a la‎(s)‎ 28 nov. 2017 8:10 por Beloaga Bizirik   [ actualizado el 28 nov. 2017 8:14 ]

Atzo Hernani aldean ibili ginen lata pixka bat ematen. Nabarraldek Beloagaren inguruan aterako duen DVDari propaganda egiteko asmoarekin, gazteluaren historia zabaltzen aritu ginen Biteri kultur Etxean. 
Bideoaren aurkezpena Durangoko azokan izango da, abenduaren 8an, 13:45ean.


1-10 of 49